កីឡា
យប់នេះ ជាការប៉ះគ្នាដំបូងរវាង កម្ពុជា និង ថៃ ក្នុងពាន AFF Cup តាំងពីបង្កើតឡើង
ក្រុមបាល់ទាត់ជម្រើសជាតិកម្ពុជា និង ថៃ នឹងបង្កើតប្រវត្តិជួបគ្នាលើកដំបូងក្នុងពានរង្វាន់ AFF Championship នេះចាប់តាំងពីជើងឯកលំដាប់ទី១នៅអាស៊ានត្រូវបានបង្កើតឡើងជាលើកដំបូង ឆ្នាំ១៩៩៦ នៅពេលក្រុមទាំងពីរត្រូវប៉ះគ្នាវេលាម៉ោង៧:៣០នាទីយប់នេះនៅកីឡដ្ឋាន Thammasat វគ្គសន្សំពិន្ទុក្នុងពូល A។
វាជារឿងគួរឲ្យចាប់អារម្មណ៍រវាងក្រុមជម្រើសជាតិទាំងពីរនៅក្នុងពានរង្វាន់អាស៊ីអាគ្នេយ៍ដែលមាន១១ប្រទេសចូលរួមប្រកួតរាល់ពីរឆ្នាំម្តង ប៉ុន្តែរាល់ការចាប់ឆ្នោតវគ្គសន្សំពិន្ទុក្នុងពូល ជុំផ្តាច់ព្រ័ត្រ កម្ពុជា និង ថៃមិនដែលបាននៅក្នុងពូលជាមួយគ្នាសោះ។ ទើបតែរដូវកាល ឆ្នាំ២០២២ បាននៅពូលជាមួយគ្នាជាដំបូង។
ចាប់តាំងពីពានរង្វាន់នេះត្រូវបានរៀបចំការប្រកួត១៤លើកកន្លងមកដែលស្មើនឹង២៤ឆ្នាំហើយ ជម្រើសជាតិថៃតែងតែមានវត្តមានវគ្គសន្សំពិន្ទុ ជុំផ្តាច់ព្រ័ត្ររហូត និងឈ្នះជើងឯកច្រើនជាងគេបំផុត (៦ដង), បានជើងឯករង៣ដង, ចំណាត់ថ្នាក់លេខ៣មួយដង និងចំណាត់ថ្នាក់លេខ៤មួយដង។ ទោះបីជាយ៉ាងណា ក្រុមខ្លាំងប្រចាំអាស៊ានមួយនេះក៏ធ្លាប់ធ្លាក់ត្រឹមវគ្គសន្សំពិន្ទុក្នុងពូល២ដងដែរគឺឆ្នាំន២០០៤ និង២០១០។
ចំពោះជម្រើសជាតិកម្ពុជាវិញបានលេងវគ្គសន្សំពិន្ទុក្នុងពូល ជុំផ្តាច់ព្រ័ត្រ៩លើក និងធ្លាក់ត្រឹមវគ្គជម្រុះ៥លើក។ រហូតមកដល់ពេលនេះ កម្ពុជាមិនធ្លាប់មានប្រវត្តិឡើងវគ្គ៤ក្រុមចុងក្រោយ (វគ្គពាក់កណ្តាលផ្តាច់ព្រ័ត្រ)ឡើយ។ យ៉ាងណា សម្រាប់ឆ្នាំ២០២២នេះ កម្ពុជាបានធ្វើឲ្យពិភពបាល់ទាត់ខាងក្រៅចាប់អារម្មណ៍តាមការដឹកនាំរបស់លោក Keisuke Honda ដែលនាំកម្ពុជាទទួលបាន៦ពិន្ទុជាលើកដំបូងក្នុងជុំផ្តាច់ព្រ័ត្រ បន្ទាប់ពីឈ្នះហ្វីលីពីន ៣-២ និងឈ្នះព្រុយណេ ៥-១។ មានអ្នកសារព័ត័មានខាងក្រៅមួយចំនួនបានផ្សាយថា កូនក្រុមរបស់លោក Honda អាចនឹងធ្វើឲ្យមានការភ្ញាក់ផ្អើលនៅពេលប៉ះម្ចាស់ផ្ទះថៃ នាថ្ងៃទី២ ខែមករា ឆ្នាំ២០២៣នេះ។
ប្រសិនបើកម្ពុជាឈ្នះថៃយប់នេះនឹងឡើងវគ្គពាក់កណ្តាលផ្តាច់ព្រ័ត្រ។ ប្រសិនបើស្មើ ត្រួវចាំអ៊ុតមើលលទ្ធផលរវាង ហ្វីលីពីន និង ឥណ្ឌូនេស៊ី ប៉ុន្តែបើចាញ់អស់ឱកាស៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ