ព័ត៌មានជាតិ
ខេត្តកំពង់ចាម បើកការចាក់វ៉ាក់សាំងការពាជំងឺកូវីដ១៩ ដូសទី៦
ឯកឧត្ដម អ៊ុន ចាន់ដា អភិបាលខេត្តកំពង់ចាម អញ្ជើញបើកយុទ្ធនាការចាក់វ៉ាក់សាំងការពាជំងឺកូវីដ-១៩ ដូសទី៣ ទី៤ ទី៥ និងដូសទី៦ (ដូសជម្រុញ) ជូនដល់មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋនៅក្នុងភូមិសាស្ត្រ ខេត្តកំពង់ចាម ដែលរៀបចំដោយរដ្ឋបាលខេត្ត នៅសាលសន្និសីទសាលាខេត្ត នាល្ងាចថ្ងៃទី០៩ ខែមករា ឆ្នាំ២០២៣ នេះ ។
នាឱកាសនោះ គេសង្កេតឃើញថា ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ បានចូលរួមទទួលការចាក់វ៉ាក់សាំងការពារជំងឺកូវីដ ១៩ នេះ ទៅតាមការរៀបចំរបស់ក្រុមគ្រួពេទ្យជំនាញ ដោយម្នាក់ៗមានទឹកមុខសប្បាយរីករាយ ពីព្រោះ ពួកគេយល់ថា ទង្វើនេះ គឺជាការចូលរួមចំណែកទាំងអស់គ្នា ជាមួយប្រមុខរាជរដ្ឋាភិបាលកម្ពុជា ក្នុងការទប់ស្កាត់ការឆ្លងរាលដាលនៃជំងឺកូវីដ ១៩ ជាពិសេស ការការពារអាយុជីវិតខ្លួនឯង ក៏ដូចជាក្រុមគ្រួសារ ខណៈពេលដែលជំងឺមហាប្រល័យមួយនេះ មិនទាន់រលាយសាបសូន្យ នៅក្នុងពិភពលោកនោះឡើយ ។
យោងតាមសេចក្ដីជូនដំណឹង របស់រដ្ឋបាលខេត្តកំពង់ចាម គឺបានជម្រាបជូនបងប្អូនប្រជាពលរដ្ឋរស់នៅក្នុងខេត្តកំពង់ចាម ដើម្បីបង្កើនភាពស៊ាំនៅក្នុងសហគមន៍ឲ្យកាន់តែប្រសើរឡើង ទប់ស្កាត់ការឆ្លងរាលដាលនៃជំងឺកូវីដ ១៩ និងធានាការការពារអាយុជីវិតរបស់ប្រជាជនពីជំងឺកូវីដ១៩ សម្ដេចអគ្គមហាសេនបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានអនុញ្ញាតឲ្យក្រសួងសុខាភិបាល បន្តចាក់វ៉ាក់សាំងកូវីដ ១៩ ដូសទី៣ ទី៤ ទី៥ និងដូសទី៦ ជូនប្រជាពលរដ្ឋ នៅក្នុងមូលដ្ឋាន បន្ថែមទៀត ។
អាស្រ័យហេតុនេះ សូមឯកឧត្ដម លោកជំទាវ លោក លោកស្រី បងប្អូនប្រជាពលរដ្ឋអញ្ជើញទៅទទួលវ៉ាក់សាំងនេះ ដោយឥតគិតថ្លៃ ទៅតាមដែលរដ្ឋបាលក្រុង ស្រុក បានកំណត់ និងរៀបចំ ដូចជា ៖ នៅតាមសាលារៀន វត្តអារាម និងតាមទីតាំងនានា ដែលអាជ្ញាធរឃុំ សង្កាត់ កំណត់ចាប់ពីថ្ងៃទី០៩ ខែមករា ឆ្នាំ២០២៣ តទៅ ដោយភ្ជាប់ជាមួយនូវប័ណ្ណចាក់វ៉ាក់សាំង ឬលិខិតបញ្ជាក់ការចាក់វ៉ាក់សាំងកូវីដ ១៩ មកជាមួយផង ។
ទន្ទឹមនឹងនោះ រដ្ឋបាលខេត្តកំពង់ចាម ក៏បានក្រើនរំលឹកបងប្អូន ដែលអញ្ជើញទៅទទួលការចាក់វ៉ាក់សាំងនេះ ត្រូវចូលរួមអនុវត្ត ឲ្យបានខ្ជាប់ខ្ជួននូវវិធានការសុខាភិបាល និងប្រកាន់ខ្ជាប់នូវវិធាន «៣ការពារ និង ៣ការកុំ» ព្រមជាមួយគ្នានោះ ក៏សូមអំពាវនាវដល់បងប្អូនប្រជាពលរដ្ឋ មាតាបិតា និងអាណាព្យាបាល ដែលមានបុត្រធិតា អាយុចាប់ពី០៥ឆ្នាំឡើង សូមទទួលការចាក់វ៉ាក់សាំងកូវីដ ១៩ ដូសមូលដ្ឋាន ឬដូសជម្រុញដោយស្ម័គ្រចិត្ត និងឥតគិតថ្លៃនេះ ផងដែរ ៕
អត្ថបទ៖ ឡេក ចាន់ពេជ្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ