KPT+
ប្រវត្តិនំឆាខ្វៃ ឬ យ៉ាវឆាខ្វៃ ដែលអ្នកបរិភោគមួយចំនួនមិនធ្លាប់ដឹង
នំឆាខ្វៃ ជានំដែលប្រជាជនខ្មែរ និង ចិន និយមទទួលទាន។ ភាគច្រើន គេតែងបរិភោគ នំឆាខ្វៃ ជាមួយ បបរ គុយទាវ នំបញ្ចុក កាហ្វេ ម៉ៃឡូ ទឹកដោះគោ ស្ករស និងជួនកាលដាក់ជាមួយបង្អែមជាដើម។ល។
នៅពេលដែលបានទៅដល់កន្លែងលក់គុយទាវ បបរ ឬ កាហ្វេ អ្នកតែងតែឃើញនូវ នំឆាខ្វៃ ដែលគេបានដាក់ក្នុងចាន ជាការបន្ថែមរសជាតិរបស់អាហារ ឬភេសជ្ជៈទាំងនោះ ទៅដល់អតិថិជន ដ្បិតអីមានមនុស្សច្រើនណាស់ដែលចូលចិត្តទទួលទាន ជាមួយនឹងតម្លៃសមរម្យអាចទទួលយកបាន។
នំមួយប្រភេទនេះ ត្រូវបានប្រជាជនខ្មែរ ពិសាជាញឹកញាប់ បើទោះបីអ្នកមួយចំនួន មិនបានដឹងពីប្រវត្តិ នៃនំឆាខ្វៃ នេះក៏ដោយ។
តើអ្នកដឹងទេ នំឆាខ្វៃ មានដើមកំណើតមកពីណា? ហេតុអ្វីបានជាគេដាក់ឈ្មោះ ឆាខ្វៃ ដូច្នេះ?
បើយោងតាមសៀវភៅវចនានុក្រមសម្ដេចព្រះសង្ឃរាជ ជួន ណាត ពាក្យ យ៉ាវឆាខ្វៃ ជាឈ្មោះពេញរបស់ នំឆាខ្វៃ នេះ។
សៀវភៅវចនានុក្រមសម្ដេចព្រះសង្ឃរាជ ជួន ណាត បានឲ្យដឹងទៀតថា យ៉ាវឆាខ្វៃ ជាពាក្យចិន ផ្សំឡើងដោយ ៣ ពាក្យ គឺ ៖
១-យ៉ាវ មានន័យថា ខ្លាញ់
២-ឆា មានន័យថា ចម្រាញ់
៣- ខ្វៃ មានន័យថា មនុស្សក្បត់ឈ្មោះខ្វៃ
( ចិ. យ៉ាវ “ខ្លាញ់” + ឆា “ចម្រាញ់” + ខ្វៃ “មនុស្សក្បត់ឈ្មោះខ្វៃ” > យ៉ាវឆាខ្វៃ ) បានទៅជា យ៉ាវឆាខ្វៃ។
យ៉ាវឆាខ្វៃ គឺជាឈ្មោះនំចិនមួយបែប ជានំដែលគេធ្វើទុកឲ្យជាគ្រឿងសម្គាល់នូវរឿងរ៉ាវ នៃមនុស្សក្បត់ផែនដីម្នាក់ឈ្មោះ ខ្វៃ ដែលរាជការសឹកចិនបុរាណនាសម័យព្រេងនាយ បានចាប់យកមកធ្វើទារុណកម្ម ដោយអារសាច់ទាំងរស់ ចម្រាញ់ធ្វើជានំឲ្យឈ្មោះ ខ្វៃ ស៊ីសាច់របស់ខ្លួន ហើយគេឲ្យជាងឆ្លាក់ថ្មធ្វើជារូបទុកនៅទីមួយជាសញ្ញាផ្ចាញ់ផ្ចាល កុំឲ្យជនឯទៀតៗ យកតម្រាប់តាម។
បន្ថែមនោះ គេឲ្យធ្វើនំមួយបែបទុកជាព័ស្តុតាង ដើម្បីឲ្យបច្ឆាជនទាំងពួងស្គាល់ឈ្មោះជនក្បត់ផែនដីនោះតៗមក, គេឲ្យឈ្មោះនំនោះថា យ៉ាវឆាខ្វៃ “នំចម្រាញ់ខ្លាញ់អាខ្វៃ”។
ជនជាតិចិន នៅប្រទេស កម្ពុជា បានពពាយនាយលក់នំនេះថា យ៉ាវឆាខ្វៃ!; អ្នកខ្លះហៅនំនេះថា នំឆាខ្វៃ, អ្នកខ្លះហៅ នំប្រៃៗ ពីព្រោះនំនេះមានរសប្រៃបន្តិចៗ, អ្នកខ្លះទៀតហៅ នំប្រៃឡមៗ, គេច្រើនប្រើបរិភោគផ្សំជាមួយនឹងទឹកកាហ្វេ ឬគុយទាវជាដើម តាមទម្លាប់ប្រើ។ រូបថ្មអាខ្វៃនោះ មាននៅប្រទេស ចិន ដរាបមកដល់សព្វថ្ងៃនេះ៕
អត្ថបទ ៖ ពិសី
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៨ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ