ជប៉ុន និងឥណ្ឌា ចាប់ផ្តើមធ្វើសមយុទ្ធយោធារួមគ្នា ជិតទីក្រុង តូក្យូ

កងកម្លាំងស្វ័យការពារដែនអាកាសជប៉ុន (JASDF) បានប្រកាសនៅថ្ងៃចន្ទទី១៦ខែមករានេះថា ប្រទេសជប៉ុន និងឥណ្ឌា បានចាប់ផ្តើមធ្វើសមយុទ្ធយោធារួមគ្នាឈ្មោះ Veer Guardian នៅតំបន់ជុំវិញទីក្រុងតូក្យូ ដើម្បីបង្កើនជំនាញបច្ចេកទេស និងធ្វើឲ្យកិច្ចសហប្រតិបត្តិការការពារជាតិទ្វេភាគីកាន់តែស៊ីជម្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីថ្លែងការណ៍នោះ, សមយុទ្ធកំពុងធ្វើឡើងនៅមូលដ្ឋានយោធា Air Rescue Wing Hyakuri Detachment ដែលមានទីតាំងនៅខេត្ត Ibaraki ប្រទេសជប៉ុន និងនៅឯមូលដ្ឋានទ័ពអាកាស Iruma ក្នុងខេត្ត Saitama។

JASDF និយាយថា សមយុទ្ធនេះ មានការចូលរួមពីយន្តហោះចម្បាំង Mitsubishi F-2 របស់ជប៉ុនចំនួន៤គ្រឿង និងយន្តហោះប្រយុទ្ធយុទ្ធសាស្ត្រ McDonnell Douglas F-15 Eagle របស់សហរដ្ឋអាមេរិកចំនួន៤គ្រឿង។

សេចក្តីថ្លែងការណ៍ដដែលបន្ថែមថា ប្រទេសឥណ្ឌា បានផ្តល់បុគ្គលិកយោធាចំនួន១៥០នាក់ យន្តហោះចម្បាំងពហុមុខងារ Sukhoi Su-30MKI របស់រុស្ស៊ីចំនួន៤គ្រឿង និងយន្តហោះដឹកជញ្ជូនដ៏ធំរបស់អាមេរិក Boeing C-17 Globemaster III ចំនួន២គ្រឿង។

សមយុទ្ធយោធារួមគ្នានេះ នឹងដំណើរការរហូតដល់ថ្ងៃទី ២៦ ខែមករា៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ចំណុចសំខាន់ៗ ដែលអ្នកគួរដឹងអំពីសមយុទ្ធ Vostok 2022