ព័ត៌មានអន្ដរជាតិ
ចំណុចសំខាន់ៗ ដែលអ្នកគួរដឹងអំពីសមយុទ្ធ Vostok 2022
ប្រទេសរុស្ស៊ី បានចាប់ផ្តើមសមយុទ្ធយោធារយៈពេលមួយសប្តាហ៍ ដែលមានការចូលរួមពីសំណាក់កងទ័ពមកពីប្រទេសចិន និងប្រទេសដទៃទៀត ដើម្បីបង្ហាញអំពីកិច្ចសហប្រតិបត្តិការការពារជាតិដែលកាន់តែរឹងមាំរវាងទីក្រុងមូស្គូ និងប៉េកាំង។
សមយុទ្ធ Vostok 2022 ដែលចាប់ផ្តើមកាលពីថ្ងៃព្រហស្បតិ៍ទី០១ខែកញ្ញា បានកើតឡើងចំពេលដែល រុស្ស៊ីនៅតែបន្តសង្រ្គាមក្នុងប្រទេសអ៊ុយក្រែន ខណៈរុស្ស៊ី និងចិនកំពុងប្រឈមមុខនឹងភាពតានតឹងជាមួយសហរដ្ឋអាមេរិក។
ខាងក្រោមនេះជាអ្វីដែលអ្នកគួរដឹងអំពីសមយុទ្ធ Vostok 2022៖
ទីតាំងនិងពេលវេលា
យោងតាមក្រសួងការពារជាតិរុស្ស៊ី សមយុទ្ធ Vostok 22 ត្រូវបានធ្វើឡើងចាប់ពីថ្ងៃព្រហស្បតិ៍ទី០១ រហូតដល់ថ្ងៃទី ០៧ ខែកញ្ញា នៅទីលានចំនួន ៧ ភាគខាងកើតស៊ីបេរី, ចុងបូព៌ារុស្ស៊ី និងសមុទ្រជប៉ុន។
តើអ្នកណាខ្លះចូលរួម?
សមយុទ្ធនេះមានកងទ័ពជាង ៥០០០០ នាក់ និងសព្វាវុធចំនួន ៥០០០ រួមទាំងយន្តហោះ ១៤០ គ្រឿង និងនាវាចម្បាំង ៦០ គ្រឿងផងដែរ។
អគ្គសេនាធិការរុស្ស៊ី លោកឧត្តមសេនីយ៍ Valery Gerasimov នឹងមើលការខុសត្រូវដោយផ្ទាល់លើសមយុទ្ធនេះ ដែលមានការចូលរួមពីកងទ័ពមកពីបណ្តាប្រទេសអតីតសហភាពសូវៀតមួយចំនួនរួមទាំង ចិន ឥណ្ឌា ឡាវ ម៉ុងហ្គោលី នីការ៉ាហ្គា និងស៊ីរី ផងដែរ។
គោលបំណង
យោងតាមក្រសួងការពារជាតិរុស្ស៊ី បានឲ្យដឹងថា ជាផ្នែកមួយនៃសមយុទ្ធនេះ, កងទ័ពជើងទឹករុស្ស៊ី និងចិននៅសមុទ្រជប៉ុន នឹងធ្វើសកម្មភាពរួមគ្នា ដើម្បីការពារទំនាក់ទំនងដែនសមុទ្រ តំបន់នៃសកម្មភាពសេដ្ឋកិច្ចសមុទ្រ និងការគាំទ្រសម្រាប់កងទ័ពជើងគោកនៅតាមតំបន់តូចៗ។
សមយុទ្ធនេះ បង្ហាញពីការបង្កើនទំនាក់ទំនងការពារជាតិដែលកាន់តែរឹងមាំ រវាងទីក្រុងមូស្គូ និងប៉េកាំង ចាប់តាំងពីប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជូនកងទ័ពរបស់គាត់ទៅកាន់ប្រទេសអ៊ុយក្រែនកាលពីថ្ងៃទី ២៤ ខែកុម្ភៈ។
ការចូលរួមរបស់ចិននៅក្នុងសមយុទ្ធនេះ គឺមានគោលបំណងធ្វើឲ្យស៊ីជម្រៅនៃកិច្ចសហប្រតិបត្តិការជាក់ស្តែង និងមិត្តភាពរវាងយោធានៃប្រទេសដែលចូលរួម, បង្កើនកម្រិតនៃកិច្ចសហប្រតិបត្តិការជាយុទ្ធសាស្រ្តក្នុងចំណោមភាគីដែលចូលរួមទាំងអស់ និងលើកកម្ពស់សមត្ថភាពក្នុងការរួមគ្នាឆ្លើយតបទៅនឹងការគំរាមកំហែងផ្នែកសន្តិសុខផ្សេងៗ។ នេះបើតាមការឲ្យដឹងពីអ្នកនាំពាក្យក្រសួងការពារជាតិចិន លោកវរសេនីយ៍ឯក Tan Kefei។
សមយុទ្ធរួមគ្នាពីមុន
Vostok គឺជាសមយុទ្ធយោធារួមគ្នាលើកទី២ ដែលធ្វើឡើងដោយកងទ័ពចិន និងរុស្ស៊ីក្នុងឆ្នាំនេះ។
យន្តហោះទម្លាក់គ្រាប់បែកមកពីប្រទេសទាំងពីរ បានធ្វើសមយុទ្ធរយៈពេល ១៣ ម៉ោងនៅជិតប្រទេសជប៉ុន និងកូរ៉េខាងត្បូងកាលពីខែឧសភា ខណៈប្រធានាធិបតីអាមេរិកលោក ចូ បៃដិន កំពុងបំពេញទស្សនកិច្ចទីក្រុងតូក្យូ។
កាលពីឆ្នាំមុន រុស្ស៊ី និងចិន បានធ្វើសមយុទ្ធយោធារួមគ្នានៅភាគកណ្តាលឆៀងខាងជើងប្រទេសចិន ដែលមានការចូលរួមពីសំណាក់ទាហានជាង ១ ម៉ឺននាក់។
រដ្ឋមន្ត្រីការពារជាតិរុស្ស៊ីលោក Sergei Shoigu បានសរសើរសមយុទ្ធនៅតំបន់ Ningxia នៃប្រទេសចិន ហើយបានលើកឡើងថា ពួកគេអាចអភិវឌ្ឍបន្ថែមទៀត៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ អង់គ្លេស ថា រុស្ស៊ី កុហក អំពី ចំនួន ទាហាន ចូលរួម ក្នុង សមយុទ្ធ យោធា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»