អត្ថប្រយោជន៍ ៥ យ៉ាង នៃការឈប់ប្រើបណ្ដាញសង្គមអ៊ីនធឺណិត

សម័យនេះសូម្បីតែក្មេងមិនទាន់គ្រប់អាយុក៏មានទូរស័ព្ទប្រើ និងមានគណនី FB, IG ឬ Tik-Tok  ខណៈការប្រើប្រាស់បណ្ដាញសង្គមជាតម្រូវការចាំបាច់ចំពោះមនុស្សសម័យទំនើបវាក៏មានផ្ដល់ផលប៉ះពាល់ទន្ទឹមគ្នាដែរើ ដូចនេះការផ្អាកប្រើប្រាស់បណ្ដាញសង្គមអាចផ្ដល់ប្រយោជន៍ជាច្រើនរួមមាន ៖

១. គេងលក់ស្រួល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាឆ្នាំ ២០២១ លើមនុស្ស ១៣២នាក់ បានរកឃើញថា ការផ្អាកប្រើប្រាស់បណ្ដាញសង្គមរយៈពេលមួយសប្តាហ៍ធ្វើឱ្យសុខុមាលភាពប្រសើរឡើងដោយការពារបញ្ហានៃការគេង ។

២. កាត់បន្ថយស្ត្រេស

ការសិក្សាឆ្នាំ ២០១៨ រកឃើញថា ការឈប់ប្រើប្រាស់បណ្ដាញសង្គមប្រហែលមួយសប្តាហ៍បានកាត់បន្ថយភាពតានតឹងពីអ្នកប្រើប្រាស់ធម្មតា និងអ្នកប្រើប្រាស់លើសកម្រិត ។

៣. ការពារជំងឺផ្លូវចិត្ត

អ្នកជំនាញបានឲ្យដឹងថា បុគ្គលណាដែលឧស្សាហ៍ឆែកទូរស័ព្ទមើលសារ ឬញៀនប្រើប្រាស់បណ្ដាញសង្គមសុទ្ធតែមានហានិភ័យខ្ពស់ក្នុងការកើតជំងឺថប់បារម្ភ ជំងឺបាក់ទឹកចិត្ត និងកើតទុក្ខគ្មានមូលហេតុ ។

៤. បង្កើនសុខភាពផ្លូវចិត្ត

មនុស្ស ៦១នាក់ ដែលចូលរួមក្នុងការពិសោធន៍បង្ហាញឲ្យឃើញនូវអាការៈប្រសើរឡើង និងសុខភាពផ្លូវចិត្តរឹងមាំជាងមុនដាច់ស្រឡះ ។

៥. បន្ធូរបន្ថយការថប់បារម្ភ

ក្នុងការប្រើប្រាស់បណ្ដាញសង្គមអាចមានឥទ្ធិពលដល់សកម្មភាពប្រចាំថ្ងៃ មើលរំលងរឿងសំខាន់ៗ មិនសូវចំណាយពេលជាមួយគ្រួសារបណ្ដាលឲ្យមានអារម្មណ៍ឯកា តែបដិសេធវត្តមានពីអ្នកដទៃ ។ 

បើអ្នកសង្កេតឃើញភាពផ្លាស់ប្ដូរពីខ្លួនឯងពីមុន វាអាចជាសញ្ញាកំពុងដាស់តឿនអ្នកអោយនៅឆ្ងាយពីបណ្ដាញសង្គមហើយ ។ មិនថាបណ្ដាញសង្គមសំខាន់ចាំបាច់សម្រាប់ជីវិតប្រចាំថ្ងៃប៉ុណ្ណាទេ អ្នកនៅតែគួរជៀសពីវាខ្លះៗជាពិសេសពេលយប់មុនចូលគេង ៕

ប្រែសម្រួលដោយ ៖ វារី

ចុចអាន ៖ ក្មេងជំទង់ចាប់ផ្ដើមខ្វល់ពីមតិអ្នកដទៃ ដោយសារបណ្ដាញសង្គមអនឡាញ

ចុចអាន ៖ អ្នកធ្វើពុតជាមានជំងឺបាក់ទឹកចិត្ត សុទ្ធតែមានជំងឺផ្លូវចិត្តដូចគ្នា