ដឹងទេប្រទេសចំនួនប៉ុន្មានហើយ បញ្ជូនរថក្រោះឲ្យ អ៊ុយក្រែន ប្រើទប់ រុស្ស៊ី?

ចាប់តាំងពីផ្ទុះប្រតិបត្តិការសឹករបស់រុស្ស៊ីលើអ៊ុយក្រែនមក សហរដ្ឋអាមេរិក និងសម្ព័ន្ធមិត្តបាននឹងកំពុងដឹកជញ្ជូនអាវុធ ក៏ដូចជាគ្រាប់កាំភ្លើងរាប់តោនទៅកាន់រដ្ឋាភិបាលក្នុងទីក្រុងកៀវ ខណៈរហូតមកដល់ពេលនេះ មហាអំណាចលោកខាងលិចទាំងនោះក៏កំពុងផ្ដល់រថក្រោះប្រយុទ្ធបន្ថែមទៀតផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពេលនេះប្រទេសចំនួន ៨ ហើយបានប្រកាសផ្ដល់រថក្រោះប្រយុទ្ធផ្សេងៗគ្នាទៅឲ្យរដ្ឋាភិបាលរបស់លោក Volodymyr Zelensky ហើយប្រទេសទាំងនោះមានដូចជា៖

-សហរដ្ឋអាមេរិក ផ្ដល់រថក្រោះប្រយុទ្ធធុន M1 Abrams ចំនួន ៣១ គ្រឿង

-អាល្លឺម៉ង់ ប្រកាសជូនរថក្រោះខ្លារខិន Leopard 2A6 ចំនួន ១៤ គ្រឿង

-អង់គ្លេស បញ្ជូនរថក្រោះធុន Challenger 2 ចំនួន ១៤ គ្រឿង

-អេស្ប៉ាញ ឲ្យរថក្រោះប្រយុទ្ធខ្លារខិន Leopard 2 របស់អាល្លឺម៉ង់ចំនួន ៤០ គ្រឿង

-ប៉ូឡូញ ផ្គត់ផ្គង់រថក្រោះខ្លារខិន Leopard 2 ចំនួន ១៤ គ្រឿង

-ហូឡង់ បញ្ជូនរថក្រោះខ្លារខិន Leopard 2 ចំនួន ១៤ គ្រឿង

-ហ្វាំងឡង់ ឲ្យរថក្រោះខ្លារខិន Leopard 2 ចំនួន ១០ គ្រឿង

-ន័រវេស ប្រកាសផ្ដល់រថក្រោះ Leopard 2 ចំនួន ៨ គ្រឿង

សរុបមករដ្ឋាភិបាលរបស់លោក Zelensky ទទួលបានរថក្រោះប្រយុទ្ធធុនផ្សេងៗគ្នាចំនួន ១៤៥ គ្រឿងហើយដើម្បីទប់ទល់នឹងប្រតិបត្តិការសឹករបស់រុស្ស៊ីដែលនឹងឈានដល់ខួប ១ ឆ្នាំនាថ្ងៃទី២៤ ខែកុម្ភៈ ឆ្នាំ២០២៣ នេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Zelensky ថា អ៊ុយក្រែន ឈ្នះ ឬចាញ់ រុស្ស៊ី គឺពឹងលើអឺរ៉ុប