Jimin សមាជិកក្រុម BTS ប្រកាសចេញអាល់ប៊ុម ទោលដំបូងនៅខែក្រោយ

ទីបំផុត Jimin សមាជិកក្រុម BTS ប្រកាសគ្រោងនឹងចេញអាល់ប៊ុមទោលដំបូងនៅខែ មីនា ទៅកាន់អ្នកគាំទ្រ បន្ទាប់ពីបញ្ចាប់ការសហការណ៍គ្នាក្នុងបទចម្រៀងថ្មី “Vibe” របស់ Taeyang នៃ សមាជិកក្រុម big bang ។

កាលពីថ្ងៃទី ១០ ខែកុម្ភៈ Jimin បានសន្ទនាជាមួយអ្នកគាំទ្រអំឡុងពេលនៃការផ្សាយបន្តផ្ទាល់នៅលើវេទិកា Weverse ថាអាល់ប៊ុមទោលដំបូងរបស់លោក កំពុងត្រៀមចេញអាល់ប៊ុមថ្មីនៅខែ មីនា ខាងមុខនេះ។ Jimin បាននិយាយថា”ខ្ញុំគិតថាអាល់ប៊ុមដែលខ្ញុំកំពុងដំណើរនឹងការផលិត នឹងចេញនៅអំឡុងខែមីនា បច្ចុប្បន្នខ្ញុំកំពុងរៀបចំរឿងជាច្រើនដែលខ្ញុំអាចធ្វើបានរួមគ្នាជាមួយអ្នកនៅពេលនោះ។

Jimin បានបន្តថា “ខ្ញុំកំពុងរៀបចំ រឿងខុសៗគ្នាជាច្រើន ហើយខ្ញុំគិតថាអ្នកអាចទន្ទឹងរង់ចាំរឿង ទាំងនេះដោយភាពស្ងប់ស្ងាត់»។ ជាពិសេស Jimin បានបន្ថែមទៀត “អ្នកទាំងអស់គ្នាបានរង់ចាំជាយូរមកហើយ” ដូច្នេះហើយបានជាខ្ញុំចង់ធ្វើការ ប្រកាសនេះមុនពេលដែលវាត្រូវបានគេផ្សព្វផ្សាយតាមប្រព័ន្ធផ្សព្វផ្សាយ ។

ជាមួយគ្នានេះ ដូចការរំពឹងទុក អាល់ប៊ុមទោលដំបូងរបស់ Jimin នឹងបំបែកកំណត់ត្រាជាច្រើននៅពេលដែលលោកគឺជាសមាជិកម្នាក់ក្នុងចំណោមសមាជិកដ៏ពេញនិយមបំផុតនៅក្នុងក្រុមចម្រៀង BTS ៕

ប្រែសម្រួល៖នាងតូច

ចុចអាន៖ហ្វេនភ្ញាក់ផ្អើលក្រោយឃើញ Lisa លេងស្ទីលសិចស៊ីក្នុងកម្មវិធីរបស់ប្រេន Celine