ហ្វេនភ្ញាក់ផ្អើលក្រោយឃើញ Lisa លេងស្ទីលសិចស៊ីក្នុងកម្មវិធីរបស់ប្រេន Celine

Lisa សមាជិកក្រុម Blackpink បានចូលរួមកម្មវិធីបង្ហាញម៉ូដរបស់ Celine នៅប្រទេសបារាំង ដែលបង្កការភ្ញាក់ផ្អើលនៅលើបណ្តាញសង្គមក៏ដូចអ្នកគាំទ្រជាមួយនឹងស្ទីលស្លៀកពាក់សិចស៊ីរបស់នាងដូចជា “តុក្កតាមានជីវិត” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីល្ងាចថ្ងៃទី ១០ ខែ កុម្ភៈ Lisa សមាជិកក្រុម Blackpink បានចូលរួមក្នុងកម្មវិធីបង្ហាញម៉ូដរបស់ Celine’s Fall Winter 2023 – 2024 នៅទីក្រុងប៉ារីស ប្រទេសបារាំង ក្នុងនាមជាទូតសុឆន្ទៈ។ ថ្មីៗនេះអ្នកគាំទ្ររបស់ Lisa បានសម្តែងការពេញចិត្តរបស់ពួកគេចំពោះការរៀបចំខ្លួនរបស់នាង ដូច្នេះហើយការចូលរួមកម្មវិធី Celine លើកនេះ Lisa ត្រូវបានអ្នកគាំទ្រចាប់អារម្មណ៍យ៉ាងខ្លាំង ។

Lisa បានក្លាយជាចំណាប់អារម្មណ៍ក្នុងកម្មវិធីជាមួយនឹងស្ទីលស្លៀកពាក់សិចស៊ី តារារ៉េបស្រីនៃ ក្រុម Blackpink ពាក់អាវទ្រនាប់ខាងក្នុង អាវរោមពាក់កណ្ដាលចំហរខាងក្រៅ រួមបញ្ចូលជាមួយខោខ្លី និងស្បែកជើងកវែង និងការតុបតែងមុខសាមញ្ញ ដែលស្ទីលរបស់ Lisa នាំមកនូវភាពស៊ិចស៊ី និងឆើតឆាយ ជាពិសេសនាងត្រូវបានគេសរសើរថាដូចជា “តុក្កតាមានជីវិត” ។

យ៉ាងណាមិញ នេះមិនមែនជាលើកទីមួយទេ ដែល Lisa ស្លៀកពាក់សិចស៊ីថ្មីៗនេះ ពេលថតរូប និងនៅលើក្របទស្សនាវដ្តី Madame Figaro របស់ប្រទេសបារាំង ក៏ធ្វើឲ្យអ្នកគាំទ្រក្តៅខ្លួនជាមួយ នឹងរូបភាពស៊ិចស៊ីរបស់នាងផងដែរ ៕

ប្រែសម្រួល៖នាងតូច

ចុចអាន៖Rosé ប្រតិកម្ម ក្រោយឃើញអ្នកគាំទ្រវាយតប់គ្នានៅឯការប្រគំតន្ត្រីនាង