ព័ត៌មានអន្ដរជាតិ

អ៊ុយក្រែន អះអាងថា រុស្ស៊ី ទើបតែប្រើមីស៊ីលជំនាន់ឆ្នាំ ៦០ ប៉ុណ្ណោះ (មានវីដេអូ)

បានផុស

៣ years មុន

នៅ

ថ្ងៃសៅរ៍ ១៨ កុម្ភៈ ២០២៣

ដោយ

អភិបាលនៃតំបន់ Dnipro ភាគខាងកើតបាននិយាយថា កងកម្លាំងរុស្ស៊ីបានប្រើមីស៊ីល Kh-22 ជំនាន់ទសវត្សរ៍ឆ្នាំ ១៩៦០ វាយប្រហារលើគោលដៅជនស៊ីវិលកាលពីពេលថ្មីៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ មេបញ្ជាការអ៊ុយក្រែនបានអះអាងដែរថា ការវាយប្រហាររបស់មីស៊ីល Kh-22 បានបង្កការខូចខាតជាច្រើននៅក្នុងទីក្រុង Dnipro ខណៈកន្លងមកមីស៊ីលប្រភេទនេះ ជាធម្មតាត្រូវបានប្រើប្រាស់ដើម្បីកំណត់ ឬតម្រង់គោលដៅលើនាវាចម្បាំង ។

ពាក់ព័ន្ធនឹងបញ្ហានេះដែរ អ៊ុយក្រែនទទួលស្គាល់ថា ទោះបីជាមីស៊ីលនេះមានអាយុកាលជាង ៦០ ឆ្នាំក៏ពិតមែន ប៉ុន្តែប្រព័ន្ធខែលការពារដែនអាកាសរបស់អ៊ុយក្រែន មិនអាចបាញ់ទម្លាក់វាបាននោះទេ ។

បច្ចុប្បន្នកងទ័ពអ៊ុយក្រែនកំពុងកាន់កាប់ទឹកដីរបស់ពួកគេនៅជុំវិញទីក្រុង Bakhmut ខណៈកងទ័ពដែនអាកាសរុស្ស៊ី ក៏ត្រូវបានគេមើលឃើញកំពុងបញ្ជូនយន្តហោះចម្បាំងថ្មីៗមកកាន់ទីក្រុងមួយនេះផងដែរ ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការសឹកមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាអូសបន្លាយពេលជិត ១ ឆ្នាំហើយ ។ បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ គ្រួសារ ស៊ីរី រួចជីវិតពីគ្រោះរញ្ជួយដីនៅ តួកគី បែរជាមកស្លាប់ ដោយសារភ្លើងឆេះ