Selena Gomez ហៅឧស្សាហកម្មហូលីវូដថាជា “បិសាច”

ក្នុងបទសម្ភាសន៍នៅឯកម្មវិធី Vanity Fair លើកទី ២៩ តារាចម្រៀង និងសម្ដែង Selena Gomez បានហៅ និងប្រៀបធៀបឧស្សាហកម្មហូលីវូដទៅនឹង “បិសាច” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ Selena Gomez ក៏បានផ្តល់ដំបូន្មាន ក៏ដូចជាចែករំលែកបទពិសោធន៍មួយចំនួនរបស់នាង នៅពេលចូលប្រឡូកក្នុងអាជីពជាតារាសម្តែង និងតារាចម្រៀងតាំងពីវ័យក្មេងមក ដោយបានព្រមានអំពីគ្រោះថ្នាក់នៃភាពល្បីល្បាញរបស់ឧស្សាហកម្មហូលីវូដ ។

Selena ចែករំលែកថា “ឧស្សាហកម្មនេះពិតដូចជាបិសាច វាគួរឲ្យខ្លាចនៅពេលដែលអ្នកត្រូវបានផ្តល់ភាពល្បីល្បាញ និងលុយច្រើននៅវ័យក្មេង ។ នៅពេលអ្នកក្លាយជាតារាកាន់តែល្បី អ្នកកាន់តែបន្ទាបខ្លួន និងប្រុងប្រយ័ត្នជាមួយមនុស្ស ដែលអ្នកទុកចិត្ត នៅទីបញ្ចប់ អ្នកគឺជាមនុស្សតែម្នាក់គត់ដែលនៅក្បែរអ្នក” ។

Selena បានបន្តថា “ដោយសារខ្ញុំនៅ Disney ខ្ញុំត្រូវតែប្រយ័ត្នប្រយែងចំពោះពាក្យសម្ដីរបស់ខ្ញុំ ដូច្នោះហើយខ្ញុំព្យាយាមធ្វើជាគំរូល្អបំផុតដែលអាចធ្វើទៅបានឥឡូវនេះ ។ ការគិតថាធ្វើជាគំរូ មានន័យថាមានភាពស្មោះត្រង់ ទោះជាផ្នែកដ៏អាក្រក់បំផុតរបស់ខ្លួនអ្នកក៏ដោយ” ។

ជាមួយគ្នានេះ ការរំឭករបស់តារាចម្រៀង និងសម្តែង Selena Gomez កើតឡើង នៅគ្រាដែលនាងនៅជាតារា Disney វ័យក្មេង ដូច្នោះហើយទើបនាងបង្ខំចិត្តនិយាយអំពីសម្ពាធក្នុងការសម្តែងទាំងវ័យក្មេង ៕

ប្រែសម្រួល ៖ នាងតូច

ចុចអាន ៖ Selena Gomez ទម្លាយមូលហេតុ នាងមិនអាចគ្រប់គ្រងទម្ងន់