Selena Gomez ទម្លាយមូលហេតុ នាងមិនអាចគ្រប់គ្រងទម្ងន់

តារាសម្តែងនិងចម្រៀង Selena Gomez បានទម្លាយថាមានការលំបាកក្នុងការគ្រប់គ្រងទម្ងន់របស់នាង ដោយសារតែថ្នាំព្យាបាលជំងឺ lupus erythematosus ធ្វើឱ្យរាងកាយរក្សាជាតិទឹកនិងជួបប្រទះនូវផលវិបាកជាច្រើនទៀត ។

យោងទៅតាមសារព័ត៌មាន People បានចុះផ្សាយកាលពីពេលថ្មីៗនេះ Selena Gomez បាននិយាយថា ការប្រើប្រាស់ថ្នាំដើម្បីព្យាបាលជំងឺ Lupus erythematosus បានធ្វើឱ្យនាងឡើងទម្ងន់ដោយមិនអាចគ្រប់គ្រងបាន។ នាងបានបន្តទៀតថា “នៅពេលខ្ញុំលេបថ្នាំ រាងកាយរបស់ខ្ញុំរក្សាជាតិទឹក ដែលនាំឱ្យឡើងគឺឡូ នេះគឺជារឿងធម្មតាណាស់ ខ្ញុំតែងតែស្រកទម្ងន់ ប្រសិនបើខ្ញុំឈប់ប្រើថ្នាំ”។

ទោះបីជាប្រឈមមុខនឹងការរិះគន់លើរូបរាងរបស់នាងក៏ដោយ ក៏អតីតតារា Disney នៅតែទទួលយក ព្រោះនាងដឹងថាថ្នាំសំខាន់សម្រាប់នាងប៉ុណ្ណា។ ជាមួយគ្នានេះ តាមរយៈបទពិសោធន៍ផ្ទាល់ខ្លួន Selena ចង់លើកទឹកចិត្តអ្នកដែលមានអារម្មណ៍ខ្មាស់អៀនចំពោះរូបរាងរបស់ពួកគេ ឱ្យប្រឈមមុខនឹងវាដោយទំនុកចិត្ត និងចែករំលែករឿងរ៉ាវរបស់ពួកគេដោយបើកចំហតាមរបៀបដែលមានសុទិដ្ឋិនិយមបំផុត ។

យ៉ាងណាមិញ នៅខែ តុលា ឆ្នាំ ២០១៥ តារាចម្រៀង Selena Gomez បានប្រកាសថានាងមានជំងឺ Lupus erythematosus ហើយនៅឆ្នាំ ២០១៧ នាងបានជាសះស្បើយបន្ទាប់ពីត្រូវបានបរិច្ចាគក្រលៀនដោយមិត្តជិតស្និទ្ធរបស់នាង Francia Raisa ៕

ប្រែសម្រួល៖នាងតូច

ចុចអាន៖Jennie ពញ្ញាក់អារម្មណ៍អ្នកគាំទ្រឲ្យភ្ញាក់ផ្អើល ក្នុងឈុតអាវទ្រនាប់