រូបចម្លាក់សុនខរបស់ម្ចាស់ក្សត្រី Elizabeth II លក់ខាតខ្លាំង ក្នុងការដាក់ដេញថ្លៃ

តាំងពីសោយរាជ្យមកម្ចាស់ក្សត្រី Elizabeth II ធ្លាប់ចិញ្ចឹមសុនខជាង ៣០ ក្បាល ហើយជាពូជ Corgi តែមួយគត់ រហូតដល់ឆ្នាំ ២០២២ ដែលជាឆ្នាំម្ចាស់ក្សត្រីសុគតគឺនៅសល់ Corgi ៤ ក្បាលប៉ុណ្ណោះឈ្មោះ Sandy, Muick, Candy, និង Lissy ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្នាំមុនក្រុមប្រឹក្សាស្រុក Broadland បានចំណាយប្រាក់ ២១,០០០ ផោនលើរូបចម្លាក់ Corgi ចំនួន ៧ ដើម្បីអបអរសាទរពិធីបុណ្យគម្របខួប ៧០ ឆ្នាំនៃការឡើងសោយរាជ្យសម្បត្តិរបស់ម្ចាស់ក្សត្រី Elizabeth II ឥលូវគេលក់រូបចម្លាក់ ៤ ចេញវិញក្នុងកម្មវិធីដេញថ្លៃសប្បុរសធម៌ក្រោមតម្លៃថោកមិនគួរឲ្យជឿ ។

រូបចម្លាក់ទាំង ៤ លក់ក្រោមតម្លៃត្រឹមតែ ២,១៤០ ផោនទេហើយប្រាក់ដែលរកបានត្រូវបរិច្ចាគទៅសប្បុរសធម៌ Nelson’s Journey ទាំងអស់មិនបាត់សូម្បីមួយកាក់មួយសេនឡើយ ។

តាមពិតចម្លាក់សុនខខាងលើត្រូវបានទិញជាកិត្តិយសដល់សត្វចិញ្ចឹមសំណព្វរបស់ម្ចាស់ក្សត្រី Elizabeth II ទេ គេយកវាទៅដាក់តាំងតាមផ្លូវនៅ Reedham, Thorpe St Andrew, Old Catton, ស្ថានីយ រថភ្លើង Whitwell & Reepham, សាល Blickling , Coltishall និង Little Plumstead ។

រូបចម្លាក់សុនខមួយឈ្មោះ Susan ជាសុនខដំបូងបង្អស់របស់ម្ចាស់ក្សត្រីបានប្រគល់ជូនព្រះអង្គម្ចាស់ Charles ចំណែករូបចម្លាក់ដែលនៅសល់ ២ ទៀតមិនទាន់ដឹងថាត្រូវយកទៅណានៅឡើយទេ ទាល់តែលើកជាសំណួរសម្រាប់សួរក្នុងកិច្ចប្រជុំក្រុមប្រឹក្សានៅចុងសប្ដាហ៍នេះទើបដឹង ៕

ប្រែសម្រួល ៖ វារី

ប្រភព​ ៖ BBC

ចុចអាន ៖ មកស្គាល់អ្នកជំនាញកាត់រោមសត្វចិញ្ចឹមឲ្យដូចសត្វក្នុងសួន