ព័ត៌មានអន្ដរជាតិ

ទ័ព រុស្ស៊ី ទុកផ្លូវមួយឲ្យទាហាន អ៊ុយក្រែន ចេញពីទឹកដីដែលកំពុងឡោមព័ទ្ធ

បានផុស

២ years មុន

នៅ

ថ្ងៃសៅរ៍ ៤ មីនា ២០២៣

ដោយ

កងកម្លាំងរុស្ស៊ី និងក្រុមទាហានស៊ីឈ្នួល Wagner Group បានឲ្យដឹងថា ពួកគេទុកផ្លូវមួយសម្រាប់ឲ្យទាហានអ៊ុយក្រែនដែលសេសសល់ ចាកចេញពីទីក្រុង Bakhmut ដែលកំពុងត្រូវបានឡោមព័ទ្ធដោយរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងរុស្ស៊ីអះអាងថា ពួកគេហៀបនឹងដណ្តើមយកទីក្រុងដ៏សំខាន់របស់អ៊ុយក្រែន Bakhmut ហើយក៏កំពុងអំពាវនាវឲ្យលោកប្រធានាធិបតីអ៊ុយក្រែន Volodymyr Zelensky ដកទ័ពចេញផងដែរ ។

ទន្ទឹមនោះ ប្រធានក្រុមទាហានស៊ីឈ្នួល Wagner Group របស់រុស្ស៊ី លោក Yevgeny Prigozhin បាននិយាយនៅលើប្រព័ន្ធផ្សព្វផ្សាយសង្គមកាលពីថ្ងៃសុក្រថា “អង្គភាពរបស់លោកបានឡោមព័ទ្ធស្ទើរទាំងស្រុងលើទីក្រុង Bakhmut ដែលជាបន្ទាយរឹងមាំនៅភាគខាងកើតរបស់កងកម្លាំងអ៊ុយក្រែន” ។

កងទ័ពរុស្ស៊ី និងទាហានស៊ីឈ្នួល Wagner Group បានបាញ់ស្រោចកាំភ្លើងធំលើផ្លូវចូលចុងក្រោយទៅកាន់ទីក្រុង Bakhmut ដែលនាំឲ្យទីក្រុងមូស្គូកាន់តែខិតទៅជិតជ័យជម្នះលើកដំបូងរបស់ខ្លួនក្នុងរយៈពេល ១ ឆ្នាំ បន្ទាប់ពីការប្រយុទ្ធបង្ហូរឈាមគ្នាបំផុតក្នុងសង្គ្រាមមួយនេះ ។

គួរបញ្ជាក់ថា ជ័យជម្នះនៅទីក្រុង Bakhmut ដែលមានប្រជាជនមុនសង្រ្គាមប្រហែល ៧០,០០០ នាក់នឹងផ្តល់ឲ្យរុស្ស៊ីនូវរង្វាន់ធំទីមួយនៃការវាយលុករដូវរងា បន្ទាប់ពីបានកែនទាហានបម្រុងរាប់សែននាក់កាលពីឆ្នាំមុន ហើយវាក៏នឹងក្លាយជាជំហានមួយទៀតដើម្បីដណ្តើមយកតំបន់ Donbass ដែលជាគោលដៅសង្គ្រាមដ៏សំខាន់របស់រុស្ស៊ី ៕