ព័ត៌មានអន្ដរជាតិ

អ៊ុយក្រែន បញ្ជាឲ្យជម្លៀសប្រជាជនចេញពីទឹកដីដែល រុស្ស៊ី កំពុងឡោមព័ទ្ធ

បានផុស

៣ ខែ មុន

នៅ

ថ្ងៃសៅរ៍ ៤ មីនា ២០២៣

ដោយ

អ៊ុយក្រែនបានបញ្ជាឲ្យជម្លៀសប្រជាពលរដ្ឋដែលងាយរងគ្រោះចេញពីទីក្រុងជួរមុខ Kupiansk ក្នុងតំបន់ Kharkiv និងទឹកដីភាគខាងកើតដែលនៅជាប់គ្នា បន្ទាប់ពីរុស្ស៊ីកំពុងឡោមព័ទ្ធ និងកំពុងឈានដល់ការដណ្តើមយកទីក្រុងសំខាន់ Bakhmut និងមជ្ឈមណ្ឌលផ្លូវដែកឡើងវិញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលយោធាក្នុងតំបន់ Kharkiv បាននិយាយនៅលើគេហទំព័ររបស់ខ្លួនកាលពីថ្ងៃសុក្រថា “កាតព្វកិច្ចជម្លៀសនេះផ្ដោតលើគ្រួសារដែលមានកុមារ និងអ្នកស្រុកដែលជាប់ឈ្មោះត្រូវកែនធ្វើទ័ពនៅក្នុងសហគមន៍ Kupiansk ” ។

រដ្ឋបាលយោធាបានបន្ថែមថា “ការសម្រេចចិត្តជម្លៀសប្រជាជនចេញពីត្រូវបានធ្វើឡើង ដោយគិតដល់ស្ថានភាពសន្តិសុខមិនមានលំនឹង បន្ទាប់ពីការបាញ់ផ្លោងដូចទឹកភ្លៀងលើទឹកដីនៃទីក្រុង Bakhmut នៃតំបន់ Donbass ភាគខាងកើតដោយទាហានរុស្ស៊ី” ។

អ៊ុយក្រែនបានបង្កើនការគ្រប់គ្រងនៅក្នុងតំបន់ Kharkiv ភាគឦសានកាលពីចុងឆ្នាំមុន ដោយបានបើកការវាយលុកចូលជ្រៅទៅក្នុងតំបន់ជួរមុខរបស់រុស្ស៊ី ប៉ុន្តែកងកម្លាំងរបស់ខ្លួនមានសមត្ថភាពការពារទឹកដីបានត្រឹមតែរយៈពេល ៣ ខែប៉ុណ្ណោះ ។

គួរបញ្ជាក់ថា ទីក្រុង Kupiansk ក្នុងតំបន់ Kharkiv គឺជាមជ្ឈមណ្ឌលផ្លូវដែកដ៏សំខាន់មួយដែលត្រូវបានប្រើប្រាស់ដោយប្រទេសរុស្ស៊ី ចាប់តាំងពីរុស្ស៊ីបានគ្រប់គ្រង បន្ទាប់ពីការលុកលុយកាលពីថ្ងៃទី ២៤ ខែកុម្ភៈ ឆ្នាំ២០២២ ៕