Selena Gomez សម្រក់ទឹកភ្នែក ក្រោយមានរឿង ចម្រូងចម្រាសមើលងាយរូបរាងនាង

ក្រោយពីមានរឿងចម្រូងចម្រាសតារាចម្រៀងនិងសម្តែង Selena Gomez បានសម្រក់ទឹកភ្នែកជាមួយការប្រមាថមើលងាយជាញឹកញាប់នៅលើបណ្តាញសង្គមថាធាត់ដែលប៉ះពាល់ខ្លាំងដល់សុខភាពផ្លូវចិត្តរបស់នាងជាខ្លាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នោះហើយ នាងបានទទួលស្គាល់ថា នាងស្ថិតក្រោមសម្ពាធ និងអស់កម្លាំងខ្លាំង នៅពេលអានមតិយោបល់ដែលមើល ងាយរូបរាង និងឡើងទម្ងន់របស់នាង។ Selena បាននិយាយថា “ជាក់ស្តែង មនុស្សចេះតែរិះគន់ឥតឈប់ឈរវាដូចជាពួកគេតែងតែព្យាយាមធ្វើឱ្យខ្ញុំមានអារម្មណ៍អត់ល្អ។ ខ្ញុំត្រូវបានគេរិះគន់ចំពោះការឡើងទម្ងន់ ទោះបីជាការឡើងទម្ងន់គឺដោយសារតែជំងឺរបស់ខ្ញុំក៏ដោយ” ។

តារាចម្រៀងវ័យ៣០ឆ្នាំរូបនេះបានបន្តថា “ខ្ញុំកុហក (មិនខ្វល់នឹងការបញ្ចេញមតិអាក្រក់)” ខ្ញុំតែងតែបង្ហោះរូបខ្លួនឯង ហើយនិយាយថាមិនខ្វល់ ខ្ញុំមិនស្តាប់ពាក្យអវិជ្ជមានដែលគេនិយាយ ទោះជាយ៉ាងណា ពេលដែលខ្ញុំសរសេរវាឡើងទាំងនោះទាំងខ្ញុំស្រក់ទឹកភ្នែក។ កន្លងមកអតីតតារា Disney តែងទទូចថា ការបញ្ចេញយោបល់អាក្រក់មិនប៉ះពាល់ដល់ជីវិតរបស់នាងទេ។ យ៉ាងណាមិញ នៅពេលនេះ Selena សារភាពថានាងតែងតែរងសម្ពាធដោយពាក្យសម្ដីរបស់ទស្សនិកជននៅលើបណ្ដាញសង្គម ។

នេះមិនមែនជាលើកទីមួយទេ ដែល Selena Gomez ចែករំលែកអំពីបញ្ហានៃការមើលងាយចំពោះ រូបរាងរបស់នាង។ មុននេះបន្តិច ក្នុងកិច្ចសន្ទនាជាមួយអ្នកគាំទ្រក្នុង Tik Tok តារាចម្រៀង តារាសម្តែងរូបនេះក៏បាននិយាយថា នាងត្រូវបង្ខំចិត្តលេបថ្នាំដើម្បីព្យាបាលជម្ងឺ Lupus erythematosus ដែលបណ្តាលឱ្យនាងហើម និងឡើងទម្ងន់ដែលនេះគឺជាផលប៉ះពាល់នៃថ្នាំនេះ ៕

ប្រែសម្រួល៖នាងតូច

ចុចអាន៖មកដឹងពីតម្លៃផ្ទះរាប់សិបលានរបស់ Michelle ស្ត្រីអាស៊ីដំបូងគេឈ្នះពានរង្វាន់ Oscars