ធ្លាយព័ត៌មាន បង្ហាញ អ្នកឡើងកាន់តំណែងជាប្រមុខអង្គការណាតូ បន្ទាប់ពីលោក Stoltenberg (មានវីដេអូ)

ប្រធានគណៈកម្មការអឺរ៉ុបលោកស្រី Ursula von der Leyen អាចក្លាយជាប្រមុខអង្គការ ណាតូ ថ្មីនៅខែតុលាឆ្នាំ២០២៣។ នេះបើតាមប្រភពការទូតមួយ ទម្លាយប្រាប់កាសែតអង់គ្លេស។

ប្រភព​ខាងលើ​បន្ត​ថា ប្រទេស​ជា​សមាជិក​ណាតូ​មួយ​ចំនួន ​បាន​ស្នើ​ឲ្យលោកស្រី von der Leyen ចូលកាន់តំណែងនៃសម្ព័ន្ធភាពមួយនេះ។

ប៉ុន្តែ ចក្រភពអង់គ្លេសទំនងជានឹងវេតូការតែងតាំង ដោយសារតែលោកស្រី Ursula von der Leyen បំពេញការងារមិនបានល្អ កាលពីពេលលោកស្រីជារដ្ឋមន្ត្រីការពារជាតិអាល្លឺម៉ង់។

យ៉ាងណាមិញ ប្រភពក្រៅផ្លូវការមួយបានលើកឡើងថា អគ្គលេខាធិការអង្គការណាតូបច្ចុប្បន្នគឺលោក Jens Stoltenberg ទំនងជានឹងបន្តអាណត្តិទៀត ដោយសារសមាជិកធំៗនៃសម្ព័ន្ធភាពមួយនេះ ពេញចិត្តចំពោះការដឹកនាំរបស់គាត់ក្នុងវិបត្តិអ៊ុយក្រែន។

គួរបញ្ជាក់ថា លោក Stoltenberg នឹងចុះចេញពីតំណែងនៅរដូវស្លឹកឈើជ្រុះឆ្នាំ២០២៣។  

តាមពិតទៅអាណត្តិរបស់លោក Stoltenberg ត្រូវផុតកំណត់តាំងតែពីខែតុលាឆ្នាំ២០២២មកម្ល៉េះ ប៉ុន្តែត្រូវបន្តរយៈពេលមួយឆ្នាំទៀតរហូតដល់ថ្ងៃទី៣០ខែកញ្ញាឆ្នាំ២០២៣ ស្របពេលមានវិបត្តិជម្លោះរុស្ស៊ី-អ៊ុយក្រែន។

ដោយឡែក អាណត្តិ​របស់លោកស្រី Ursula von der Leyen ជា​ប្រធាន​គណៈកម្មការ​អឺរ៉ុប មិនទាន់​ចប់​ទេ​រហូត​ដល់​ឆ្នាំ​ក្រោយឯណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ រុស្ស៊ី ព្រមានថា ប្រជាជនស៊ុយអែតនឹងបញ្ជូនទៅស្លាប់ បើប្រទេសនេះ ចូល ណាតូ