តារាសម្ដែងកូរ៉េ Jung Chae-yul រកឃើញស្លាប់នៅក្នុងផ្ទះ ក្នុងវ័យ ២៦ឆ្នាំ

តារា​សម្ដែង​កូរ៉េ​ខាង​ត្បូង កញ្ញា Jung Chae-yul ត្រូវ​បាន​គេ​ប្រទះ​ឃើញ​ស្លាប់​នៅ​ក្នុង​ផ្ទះយ៉ាងអាថ៌កំបាំង នេះ​បើ​តាម​ការ​រាយការណ៍​របស់​ប្រព័ន្ធ​ផ្សព្វផ្សាយក្នុងស្រុក ​នៅ​ថ្ងៃ​ទី១១ ខែមេសា ឆ្នាំ២០២៣។

អតីតតារាម៉ូដែលវ័យ ២៦ឆ្នាំរូបនេះបានដើរតួជា Bae Yoon-mi នៅក្នុងរឿង Zombie Detective ឆ្នាំ២០២០ ហើយកំពុងដើរតួក្នុងរឿងប្រលោមលោកតាមគេហទំព័រ Wedding Impossible មុនពេលគេប្រទះឃើញស្លាប់។

ការស្លាប់របស់នាងត្រូវបានបញ្ជាក់ដោយភ្នាក់ងារគ្រប់គ្រងរបស់នាង ខណៈមូលហេតុមិនត្រូវបានចេញផ្សាយនោះទេ។ យោងតាមទីភ្នាក់ងារបាននិយាយនៅក្នុងសេចក្តីថ្លែងការណ៍មួយទៅកាន់សារព័ត៌មានថា ពិធីបុណ្យសពរបស់ Jung Chae-yul នឹងធ្វើឡើងជាលក្ខណៈឯកជន ស្របតាមការចង់បានរបស់គ្រួសារនាង។  

ពុំមានតម្រុយអ្វីទាក់ទងនឹងការស្លាប់របស់តារាស្រីរូបនេះឡើយ គេដឹងត្រឹមថា កាលពីថ្ងៃទី៩ ខែមេសា នាងបានបង្ហោះរូបថតភ្ជាប់ជាមួយសារនៅលើបណ្ដាញ Instagram ថា “Smile” ។ ប៉ុន្តែនៅថ្ងៃនេះទស្សនិកជនមិនបានឃើញរូបនិងសារនោះឡើយ៕

ប្រែសម្រួល៖ សន្យា

ចុចអាន៖ របស់ម្យ៉ាង Jimin មិនអាចអត់បាន រាល់ពេលធ្វើដំណើរ មិនថាជិតឆ្ងាយ

ចុចអាន៖ ផលិតករភាពយន្ត “You Have Done Well” បដិសេធរឿង IU ស៊ីថ្លៃខ្លួនខ្ទង់លានដុល្លារ