អាជីព

កំពុងកុហកខ្លួនឯងអំពីសមត្ថភាពជាអ្នកដឹកនាំមែនទេ?

បានផុស

៦ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

ព្រឹកយើងទាំងអស់គ្នាព្យាយាមគិតពីខ្លួនយើង។តើយើងតែងតែស្គាល់ខ្លួនឯងនិងមានភាពស្មោះត្រង់ក្នុងការវាយតម្លៃសមត្ថភាពវិជ្ជាជីវៈ និងភាពជាអ្នកដឹកនាំដែរទេ?

បើឆ្លើយមិនបានមែន ប្រហែលជាដល់ពេលដែលត្រូវនិយាយចេញពីដួងចិត្តជាមួយខ្លួនឯងច្បាស់ៗមួយចំណុចៗ៖

១ ការបំភាន់

ក្នុងនាមជាអ្នកដឹកនាំ ត្រូវតែអនុញ្ញាតឲ្យខ្លួនឯងទម្លាក់ចោល ការបំភាន់នៃការគ្រប់គ្រងហើយទុកឲ្យភាពជាអ្នកដឹកនាំរបស់យើងដឹកមុខវិញ។ ផ្ដោតលើអ្វីដែលយើងអាចគ្រប់គ្រងបានហើយទុកឲ្យអ្វីៗនៅសេសសល់នៅកន្លៀត ដែលមិនអាចរាំងផ្លូវយើងបាន។

កុំបំភាន់ថា យើងអាចជោគជ័យដោយខ្លួនឯង គ្មាននរណាម្នាក់ធ្វើអ្វីបានធំនិងល្អ ប្រើកម្លាំងម្នាក់ឯងទេ។ មិនថាសមិទ្ធផលណាដែលយើងសម្រេចបានកន្លងមកតែងត្រូវការក្រុមដ៏អស្ចារ្យដែលមានមនុស្សព្រមជួយយើង ពួកគេព្រមបញ្ចេញទេពកោសល្យនិងបានរួមចំណែកដល់ជោគជ័យនោះ។ កំណត់ឃើញពួកគេ រក្សាពួកគេបានគឺរក្សាជោគជ័យបានទៀត។

២ ពេលវេលា

ខ្ញុំមិនមានពេលទេ! កុំនិយាយពាក្យនេះចំពោះបុគ្គលឆ្នើមៗរបស់យើង។ ពេលវេលាមានតម្លៃណាស់ តែមិនមានតម្លៃជាងជោគជ័យទេ។ មនុស្សដែលជួយឲ្យយើងទទួលបានជោគជ័យ សក្ដិសមនឹងស្ថិតលើតារាងអាទិភាព។

សម្រាប់មនុស្សគ្រប់គ្នា ហើយជាពិសេសសម្រាប់អ្នកដឹកនាំការផ្ដល់ពេលវេលារបស់យើង លើមនុស្សត្រូវ ធ្វើឲ្យក្រុមនោះ តែងតែធ្វើការហត់នឿយតែមិនមានអារម្មណ៍ថាហត់ឡើយ ដើម្បីឲ្យយើងទទួលបានជោគជ័យ។

ជោគជ័យពិតនៃមេដឹកនាំម្នាក់ គឺតែងតែទទួលបានជោគជ័យខ្លាំង សូម្បីតែពេលខ្លួនគេងស្ងៀម គឺមានន័យថា ក្រុមណាមួយនោះកំពុងគិតអំពីជោគជ័យរបស់យើងជាងយើងខ្លួនឯងគិតទៅទៀត ព្រោះតែគេមានអារម្មណ៍ថា គេជាមនុស្សសំខាន់សម្រាប់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ឆ្លាតវៃ

ខ្ញុំដឹងទាំងអស់ ថាអ្វីល្អអ្វីមិនល្អ! មិនពិតទេ! ភាពជាអ្នកដឹកនាំ គឺនិយាយអំពីការដាក់បញ្ចូលនិងការរៀនសូត្រ មិនមែនអំពីភាពត្រឹមត្រូវឥតខ្ចោះឬអច្ឆរិយទេ។ មិនមែនអ្នកដឹកនាំទាំងអស់សុទ្ធតែដឹងថាអ្វីដែលល្អបំផុតឬមានចម្លើយទាំងអស់នោះឡើយ កុំកុហកខ្លួនឯងប្រសិនយើងមិនចង់ឲ្យអ្នកដទៃមកកុហកយើង។

ផ្ដោតការយកចិត្តទុកដាក់បំផុតលើការបន្តរៀន និងបន្តរីកចម្រើនដោយរើសមនុស្សត្រូវមកនៅចោមព័ទ្ធ។ មនុស្សម្នាក់ៗ ពូកែដោយកន្លែងរបស់គេ ប្រសិនបើយើងមានសមត្ថភាពទាញយកចំណុចល្អទាំងអស់នោះមកបញ្ចូលគ្នា យើងខ្លាំង៕

ប្រែសម្រួល៖សុភា

ចុចអាន៖៥ វិធី ដើម្បីស្វែងរកការងារក្នុងក្រុមហ៊ុនដែលអ្នកពេញចិត្ត

ចុចអាន៖១១ ឃ្លាដែលបុគ្គលិកត្រូវប្រយ័ត្ន មិនគួរនិយាយជាមួយចៅហ្វាយនាយ

Related Topics:ភាពជាអ្នកដឹកនាំ