ព័ត៌មានជាតិ

បញ្ចប់ចូលឆ្នាំ ប៉ុន្តែពលរដ្ឋបន្តទៅលេងកម្សាន្តនៅរមណីយដ្ឋានភ្នំហាន់ជ័យយ៉ាងច្រើនកុះករ

បានផុស

១១ ខែ មុន

នៅ

ថ្ងៃចន្ទ ១៧ មេសា ២០២៣

ដោយ

កំពង់ចាម ៖ បីថ្ងៃនៃពិធីចូលឆ្នាំប្រពៃណីជាតិខ្មែរបញ្ចប់ក៏ពិតមែន ប៉ុន្តែបងប្អូនប្រជាពលរដ្ឋ រួមទាំងព្រះសង្ឃនៅលើភ្នំហាន់ជ័យ ស្រុកកំពង់សៀម ខេត្តកំពង់ចាម បានប្រារព្ធពិធីស្រង់ព្រះ ដោយមានការចូលរួមពុទ្ធិបរិស័ទ និងប្រជាពលរដ្ឋមកលេងកម្សាន្តយ៉ាងច្រើនកុះករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាលើកទី១ បើទោះបីចូលឆ្នាំប្រពៃណីជាតិខ្មែរបញ្ចប់ក៏ពិតមែន រយៈពេលបីថ្ងៃក៏ដោយ ដោយឡែកនៅថ្ងៃទី១៧ ខែមេសា ឆ្នាំ២០២៣នេះ ព្រះសង្ឃ និងពុទ្ធិបរិស័ទបានប្រារព្ធពិធីស្រង់ព្រះ ដោយមានការនិមន្តចូលរួមពីព្រះសង្ឃ ញាតិញោម ពុទ្ធិបរិស័ទចំណុះជើងវត្ត និងបងប្អូនប្រជាពលរដ្ឋយ៉ាងច្រើនកុះករ មកលេងកម្សាន្ដលើភ្នំហាន់ជ័យនេះ។

ព្រះសីលសំវរៈ ប៊ត តាំងឆេង ព្រះរាជាគណៈថ្នាក់ចត្វាព្រះនាគមុនី ព្រះមេគណខេត្តកំពង់ចាម បានមានសង្ឃដីកាថា ដោយកត្តាសុខសន្តិភាព ក្រោមការដឹកនាំរបស់ សម្តេចតេជោ ហ៊ុនសែន បានធ្វើឲ្យប្រជាពលរដ្ឋមានជីវភាពធូរធារ និងលែងបារម្ភរឿងបញ្ហាជំងឺកូវីដ១៩ទៀត ព្រោះពលរដ្ឋបានទទួលវ៉ាក់សាំងបង្ការជំងឺមួយនេះគ្រប់ៗគ្នា។

ព្រះអង្គ បន្ថែមដីកាទៀតថា ឆ្នាំនេះ បានការសហការពីកងកម្លាំងស្នងការនគរបាលខេត្តកំពង់ចាមបានជួយឡានបាញ់ចំនួន២ឡាន ដើម្បីធ្វើពិធីស្រង់ព្រះ រួមមានការចូលពីអាជ្ញាធរមូលដ្ឋាន យុវជន បង្កើតជាកម្មវិធីសប្បាយៗ តាមបែបប្រពៃណីខ្មែរផងដែរ៕

អត្ថបទនិងរូបភាព ៖ ឡេក ចាន់ពេជ្រ