កីឡា

លោក Honda បង្ហាញអារម្មណ៍ពិតក្នុងការដឹកនាំក្រុមកម្ពុជាតាំងពីឆ្នាំ២០១៨

បានផុស

៣ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

លោក Keisuke Honda បានចប់ភារកិច្ចក្នុងការដឹកនាំក្រុមបាល់ទាត់ជម្រើសជាតិកម្ពុជាត្រឹមយប់ថ្ងៃទី១០ ខែឧសភា ឆ្នាំ២០២៣ បន្ទាប់ពី U22 កម្ពុជាចាញ់ឥណ្ឌូណេស៊ី ដោយលទ្ធផល ១-២ ធ្វើឲ្យម្ចាស់ផ្ទះកម្ពុជាអស់ឱកាសឡើងវគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលដៅសំខាន់របស់លោកគឺដឹកនាំកម្ពុជាឲ្យទទួលបានជោគជ័យក្នុងព្រឹត្តិការណ៍កីឡាស៊ីហ្គេម លើកទី៣២ ប៉ុន្តែលទ្ធផលមិនបានដូចការគ្រោងទុកឡើយ។ នៅព្រឹកថ្ងៃទី១១ ខែឧសភានេះ លោក Honda បានរៀបរាប់ពីអារម្មណ៍ពិតដែលលោកបានដឹកនាំក្រុមបាល់ទាត់ជម្រើសជាតិកម្ពុជាចាប់តាំងពីឆ្នាំ២០១៨រហូតដល់ពាក់កណ្តាលឆ្នាំ២០២៣។

លោកបានរៀបរាប់ថា ៖«អារុណសួស្តី! ដូចបងប្អូនដឹងហើយថា ការងាររបស់ខ្ញុំសម្រាប់ក្រុមបាល់ទាត់ជម្រើសជាតិកម្ពុជាបានបញ្ចប់កាលពីយប់មិញ។ ខ្ញុំចង់ឲ្យអ្នកទាំងអស់គ្នាសប្បាយរីករាយជាមួយនឹងលទ្ធផលល្អប្រសើរ។ ប៉ុន្តែយើងមិនអាចធ្វើវាបានទេ។ ជីវិតរបស់យើងមិនដូចការសន្យានោះទេ ហើយការពិតគឺជាអ្វីម្យ៉ាងដែលខ្ញុំពិបាកទទួលយក»។

លោកបន្តថា ៖«ខ្ញុំមានអារម្មណ៍ដូចជារាល់ដងអីចឹងសម្រាប់ការងាររបស់ខ្ញុំតាំងពីឆ្នាំ២០១៨។ ប៉ុន្តែ”អ្នកគឺជាថាមពល និងក្តីសង្ឃឹមរបស់ខ្ញុំ”។ នោះជាមូលហេតុដែលខ្ញុំបន្តការងាររហូតដល់ទីបញ្ចប់។ ខ្ញុំគ្មានអ្វី ក្រៅពីអរគុណគ្រប់បែបយ៉ាងសម្រាប់រយៈពេល៥ឆ្នាំចុងក្រោយនេះ។ អ្នកផ្តល់ឲ្យខ្ញុំ និងកីឡាករច្រើនណាស់។ ខ្ញុំពិតជាមានមោទនភាពចំពោះអ្នកទាំងអស់គ្នាណាស់។ ចុងក្រោយ ខ្ញុំចង់ប្រាប់ពាក្យនេះដល់អ្នកថា “ត្រូវមានក្តីស្រមៃ ហើយដើរតាមក្តីស្រមៃនោះ”៕