Mark និង Kimberly បង្ហាញ​ធៀបការ​ ខណៈ ៤ ខែទៀតចូលរោងការ

នៅសល់តែ៤​ខែទៀត​ប៉ុណ្ណោះ​ពិធី​រៀប​អាពាហ៍ពិពាហ៍របស់គូស្នេហ៍តារាថៃ Mak- Kimberly​ នឹង​ប្រារព្ធធ្វើ​ឡើង​នៅ​ខែ​កញ្ញា ក្នុង​ប្រទេស​អ៊ីតាលី ខណៈអ្នកទាំងពីរបានបង្ហាញកាធៀបការពណ៌​បៃតងត្រៀម​អញ្ញើញ​ភ្ញៀវ​ពិសេសៗក្នុងថ្ងៃមង្គលរបស់ខ្លួន។

តាមរយៈវីដេអូ​ឃ្លិប​មួយ​បានបង្ហាញ​ពី​គូស្នេហ៍ Kimberly-Mak បង្អួត​ធៀបការដែលពេលនេះ​បានធ្វើរួចរាល់​ ហើយក៏​ត្រៀម​អញ្ជើញ​ភ្ញៀវ​ជិតស្និទ្ធប៉ុណ្ណោះឲ្យចូលរួមក្នុងពិធីអាពាហ៍ពិពាហ៍​​របស់ពួកគេ។ សម្រាប់​ធៀប​នេះបាន​ធ្វើ​ឡើងដោយមាន​ពណ៌​បៃតង រចនាឡើងតាម​ការស្រមើស្រមៃរបស់​គូស្នេហ៍ វាជាគំនូរដ៏ស្រស់ស្អាតជាមួយនឹងផ្កាដែល Kimberly ចូលចិត្តខ្លាំង​ ហើយវាក៏ជា​គំនូរ​វីឡា​ប្រណីតជាកន្លែង​រៀប​អាពាហ៍ពិពាហ៍ ដែល​ស្ថិត​នៅកៀកបឹងដ៏​ស្រស់​ស្អាត​ Como នៃប្រទេស​អ៊ីតាលី។

នៅក្នុង​ឃ្លិប​ដែលបង្ហាញពីក្ដីរភើបនិងរីករាយរបស់គូស្នេហ៍ Kimberly-Mak បានដាក់ខេបសិនថា “បង្ហាញធៀបអាពាហ៍ពិពាហ៍​របស់យើងដែលស្ថិតនៅកៀកបឹង Como!!! សូមអរគុណដល់រឿងព្រេង midear_invitations ។ វាដូចជាការយករូបភាព​នៅក្នុងចិត្ត​របស់ពួកយើង! ខ្ញុំចូលចិត្តវាជាងគេ ៤ ខែទៀត! ខ្ញុំ​រំភើប​ខ្លាំង​ណាស់”។

យ៉ាងណាមិញទស្សនិកជនជាច្រើនបានសម្រុកជូនពរដល់គូស្នេហ៍ថ្មីថ្មោង​ បន្ទាប់ពីអ្នកទាំងពីរត្រៀមក្លាយជាគូស្វាមីភរិយា ក្នុងនោះហ្វេនបានជូនពរឲ្យពួកគេមានតែសុភមង្គល ហើយថែមទាំងមានអ្នកខ្លះសប្បាយចិត្តជួសគូស្នេហ៍ Kimberly ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តារា ថៃ ណាខ្លះ លេចមុខទៅបោះឆ្នោតជ្រើសរើសមេដឹកនាំប្រទេស