បង្ហាញខ្លួនក្នុងកម្មវិធី Cannes តារាសម្ដែង​Chompoo​ មិនធ្វើឲ្យទស្សនិកជនខកចិត្តទេ

បន្ទាប់ពីខកខានដល់ទៅ៤ឆ្នាំ តារាសម្ដែង Chompoo Araya ពេលនេះនាងបានត្រលប់មក​ដើរលើកម្រាលព្រំក្រហម​នៃមហោស្រពភាពយន្តលំដាប់ពិភពលោក​នៅទីក្រុង Cannes ដោយ​ពាំនាំ​នូវ​សំលៀកបំពាក់​ម៉ាកល្បី Jean Paul Gautier ជាមួយនឹង​គ្រឿងអលង្ការ​ពីម៉ាក Bvlgari។

ត្បិតថាខកខានក្នុងកម្មវិធី​លំដាប់​អន្តរជាតិ​អស់ពេលដ៏យូរក្ដី ប៉ុន្តែលើកនេះ Chompoo មិនបានធ្វើឲ្យអ្នកគាំទ្ររបស់នាងខកចិត្តឡើយ​ ខណៈ​នាងជ្រើស​ស្លៀក​រ៉ូប​ពណ៌​ផ្កាឈូក​ចាស់​ដ៏​ធ្ងន់​បំផុត​លើ​រាងកាយរហូតធ្វើឲ្យមនុស្សជាច្រើនមានការងៀយឆ្ងល់ថាអ្នកម្ដាយកូនបីអាចទ្របានឬទេ។

ទោះយ៉ាងណា មហាជនជាច្រើន​ក៏ចូលមកកោតសរសើរដល់រូបនាង បើទោះបីជាខានបង្ហាញខ្លួនក្នុងឈុតប្លែកយូរហើយក្ដីប៉ុន្តែ Chompoo នៅតែអាចពាំនាំឈុតធ្ងន់ៗដូចកាលប៉ុន្មានឆ្នាំមុនមកបង្អួតហ្វេនជានិច្ចដែរ។ លើសពីនេះមហាជនបានបញ្ចេញមតិថាខ្លួននាងតូចណាស់តែអាចដើរដោយទមងន់រ៉ូបដ៏ធ្ងន់នេះបានពិតជាគួរឲ្យសរសើរពីការលះបង់របស់នាងយ៉ាងខ្លាំង៕

សូមទស្សនារូបភាពខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖តារាប្រុសម្នាក់ទម្លាយពីអត្តចរិតពិតរបស់ Aum ក្រោយធ្វើការជាមួយគ្នាមួយរយៈ