កីឡា
បុរសពិការវ័យ៥៥ឆ្នាំ ជឹម ផាន មានកិត្តិយសដែលបានប្រកួតអាស៊ានប៉ារ៉ាហ្គេមចុងក្រោយនៅកម្ពុជា
លោក ជឹម ផាន ដែលកីឡាករអត្តពលកម្មពិការកម្ពុជាពោរពេញដោយមោទនភាព និងកិត្តិយសដែលទទួលបានឱកាសប្រកួតក្នុងកីឡាអាស៊ានប៉ារ៉ាហ្គេមចុងក្រោយនៅលើទឹកដីប្រទេសកំណើតរបស់ខ្លួន បន្ទាប់ពីធ្លាប់បានចូលរួមប្រកួតអាស៊ានប៉ារ៉ាហ្គេមជាង២០ឆ្នាំមកហើយ។
បុរសវ័យចំណាស់រូបនេះដើមឡើយជាកីឡាករបាល់ទះជនពិការធ្លាប់បានចូលរួមប្រកួតលើអន្តរជាតិជាច្រើន និងឈ្នះមេដាយមាសពីការប្រកួតក្នុងតំបន់អាស៊ី នៅប្រទេសកូរ៉េកូរ៉េខាងត្បូង និងទទួលបានចំណាត់ថ្នាក់លេខ៣ និងលេខ៤ នៅទ្វីបអឺរ៉ុបផងដែរ។
បន្ទាប់មកលោក ជឹម ផាន បានប្តូរមកហ្វឹកហាត់កីឡាអត្តពលកម្មក៏ទទួលបានជោគជ័យជាបន្តបន្ទាប់សម្រាប់ការចេញទៅប្រកួតអាស៊ានប៉ារ៉ាហ្គេម និងអាស៊ីប៉ារ៉ាហ្គេម។ ជាពិសេសលោកតែងតែបានចូលរួមប្រកួតអាស៊ានប៉ារ៉ាហ្គេម ចាប់តាំងពីលើកទី១ ឆ្នាំ២០០១ រហូតដល់អាស៊ានប៉ារ៉ាហ្គេម លើកទី១២ ឆ្នាំ២០២៣។
រហូតដល់ពេលនេះ លោកបានចូលរួមប្រកួតកីឡាអាស៊ានប៉ារ៉ាហ្គេមរយៈពេលជាង២០ឆ្នាំហើយ។ ក្នុងនោះលោកធ្លាប់បានឈ្នះមេដាយជាច្រើនគ្រឿងដូចជាមេដាយមេដាយមាស ប្រាក់ និងសំរិទ្ធពុំដែលខានឡើយគិតចាប់ពីឆ្នាំ២០០១ដល់ឆ្នាំ២០១៧ ប៉ុន្តែអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី លោកមិនទទួលបានមេដាយអ្វីឡើយ។
លោក ជឹម ផាន បាននិយាយថា ៖«ខ្ញុំបានចាប់ផ្តើមលេងកីឡាតាំងពីឆ្នាំ១៩៩៦។ ដល់ឆ្នាំ១៩៩៧ មានអង្គការមួយបញ្ជូនខ្ញុំទៅម៉ាឡេស៊ីធ្វើជើងសិប្បនិម្មិតឲ្យខ្ញុំដើម្បីប្រកួតកីឡាជនពិការអាស៊ាន និងអាស៊ី។ ឆ្នាំ២០០៩-២០១០ ខ្ញុំបានទៅប្រកួតជនពិការអាស៊ីជាង៤០ប្រទេសនៅប្រទេសថៃ កាលណោះ ខ្ញុំទទួលបានលទ្ធផលល្អគឺប្រាក់២ និងសំរិទ្ធ១។ បន្ទាប់ពីហ្នឹងមក ខ្ញុំទទួលបានមេដាយជាបន្តបន្ទាប់ពីការប្រកួតអាស៊ានប៉ារ៉ាហ្គេម និងទើបតែឆ្នាំ២០២២នៅឥណ្ឌូណេស៊ីកន្លងទៅនេះ ខ្ញុំអត់ទទួលបានមេដាយទេ»។
សម្រាប់ការចូលរួមប្រកួតអាស៊ានប៉ារ៉ាហ្គេម លើកទី១២ ឆ្នាំ២០២៣ នៅប្រទេសកម្ពុជាគឺជាលើកចុងក្រោយរបស់លោកក្នុងនាមជាអាជីពរត់ប្រណាំងលើឆាកអន្តរជាតិ។ លោក ជឹម ផាន បានឲ្យដឹងថា ៖«កន្លងមក ខ្ញុំធ្លាប់ស្នើសុំថ្នាក់ដឹកនាំចូលនិវត្តន៍ពីអាជីពកីឡាពីរដងដែរ តែដោយសារតែប្អូនៗខ្លះអត់ទាន់មានសមត្ថភាពដូចខ្ញុំ អីចឹងថ្នាក់ដឹកនាំមើលឃើញសមត្ថភាពរបស់ខ្ញុំនៅអាចប្រកួតប្រជែងបាន ពួកគាត់ស្នើឲ្យខ្ញុំបន្តលេងនៅក្នុងឆ្នាំ២០២៣នេះទៀត»។
បុរសពិការជើងវ័យ៥៥ឆ្នាំបានបង្ហាញអារម្មណ៍ថា ៖«ក្នុងអារម្មណ៍ខ្ញុំគឺសប្បាយចិត្ត ដោយសារអាស៊ានប៉ារ៉ាហ្គេមលើកទី១នៅក្នុងប្រទេសរបស់យើង ហើយក៏ជាអាស៊ានប៉ារ៉ាហ្គេមចុងក្រោយសម្រាប់អាជីពកីឡារបស់ខ្ញុំ។ វ័យរបស់ខ្ញុំដល់ពេលត្រូវសម្រាកហើយ ដូច្នេះខ្ញុំសប្បាយចិត្ត និងមានកិត្តិយសដែលមានសំណាងប្រកួតចុងក្រោយនៅក្នុងទឹកដីកំណើតខ្លួនឯង»៕
អត្ថបទ៖ វីរបុត្រ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៩ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ