ជីវិតកម្សាន្ដ

Mai Davika បង្ហោះសារភ្លាមៗ Taew បញ្ចេញមតិភ្លែតលែងគិតច្រើន

បានផុស

៣ years មុន

នៅ

ថ្ងៃសៅរ៍ ១០ មិថុនា ២០២៣

ដោយ

មួយរយៈនេះតារាសម្ដែងនិងម៉ូដែល Mai Davika ជួបរឿងរ៉ាវបន្តភាគជាច្រើនពាក់ព័ន្ធនឹងអ្នកលេងអ៊ីនធឺណិតមួយចំនួនធំប្រមាថមើលងាយនាងគ្រប់ពេល ក្រោយមកទើបនាងបង្ហោះសារអប់រំមួយ ស្រាប់តែ Taew Nathaporn ចូលមកបញ្ចេញមតិភ្លាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ០៩ ខែមិថុនា ឆ្នាំ២០២៣ Mai Davika បានបង្ហោះសារមួយលើគណនី Instagram ផ្ទាល់ខ្លួន ដោយមានន័យថា “ត្រូវរឹងមាំនិងក្លាហាន មើលទៅមុខ កុំប្រកាន់ភ្ជាប់នឹងអតីតកាល រស់នៅតាមរបៀបដែលអ្នកចង់ក្លាយជា រស់នៅប្រកបដោយសុភមង្គល សុខភាពផ្លូវចិត្តមានសារៈសំខាន់ និងនៅជិតអ្នកជាងអ្វីដែលអ្នកគិត។ តស៊ូជាមួយវា ហើយចង់លើកទឹកចិត្តឡើងសម្រាប់អ្នករាល់គ្នា។ ប្រសិនបើអ្នកមានអ្វីមួយ មកនិយាយជាមួយពួកយើងនៅក្នុងការជជែកបើកចំហ និងចែករំលែកជានិច្ច។ ខ្ញុំនឹងរឹងមាំ ហើយខ្ញុំនឹងមិនឲ្យពួកគេខូចចិត្តខ្ញុំទេ”។

ទោះយ៉ាងណាក៏ដោយ ក្នុងចំណោមអ្នកកម្សាន្ត និងអ្នកគាំទ្រ មានមតិជាច្រើនបានផ្ញើការលើកទឹកចិត្តដល់នាងយ៉ាងភ្លូកទឹកភ្លូកដី សូម្បីតែតារាសម្ដែង Taew Nathaphon ក៏បញ្ចេញមតិមិនបង្អង់យូរថា ឱប Dawi អ្នកសមនឹងទទួលបានសុភមង្គលនេះ”។

ជាមួយគ្នានេះដែរអ្នកគាំទ្ររបស់នាងក៏បញ្ចេញមតិលើកទឹកចិត្តថា ជូនពរអ្នកជួបតែសេចក្តីសុខ សុភមង្គល រហូតលែងមានគេមកជ្រៀតជ្រែកជាមួយទៀត។ អ្នកណាមិនស្រលាញ់យើង ក៏ហីទៅ! វានឹងមិនពិបាកពេកទេ គ្រាន់តែថាអ្នកនឹងមិនចាំបាច់គិតអំពីយើងញឹកញាប់ទេ»៕