ទិដ្ឋភាពខាងក្នុងផ្ទះរបស់តារាអាមេរិក ដាក់ជួលក្រោមតម្លៃជិត ២ ម៉ឺនដុល្លារ

តារាសម្ដែងក្នុងរឿង Coyote Ugly ឈ្មោះ Maria Bello កំពុងដាក់ជួលផ្ទះទំហំ ២៣៧ ម៉ែត្រការ៉េ ក្រោមតម្លៃដ៏ខ្ពស់ ដល់ទៅ ១៨,៥០០ ដុល្លារ ដែលមានទីតាំងនៅភ្នំហូលីវូដ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី Maria បានចំណាយប្រាក់ ២.៦៧ លានដុល្លារ ទិញផ្ទះនេះកាលពីឆ្នាំ ២០១៩ វាមានបន្ទប់គេង ៤ បន្ទប់ទឹក ៣ ហើយសង់ឡើងតាំងពីអំឡុងឆ្នាំ ១៩៦០ មកម្ល៉េះ ។

ងាកមកលម្អិតក្នុងផ្ទះវិញ យើងឃើញថាបន្ទប់ទទួលភ្ញៀវរបស់នាងមានលក្ខណៈធំទូលាយ ស្រឡះភ្នែក មិនស្អេកស្កះ ទោះមានសម្ភារច្រើនយ៉ាងណាក៏ដោយ ។ ជាពិសេសអ្នកអាចគយគន់ទេសភាពធម្មជាតិខាងក្រៅដ៏ត្រជាក់ភ្នែកទៀតផង ព្រោះវាមានទីតាំងនៅលើភ្នំហូលីវូដដែលអាចមើលឃើញទីក្រុងឡូសអេនជែលឡែសដូចគ្នា ។

រូបខាងលើជាទិដ្ឋភាពបន្ទប់គេងធំបំផុតនៅក្នុងផ្ទះ Maria ឬហៅថា Master Bedroom ។ ចំណែកមួយនេះវិញជាបន្ទប់ទឹក និងទូសម្អាង ដែលជាចំណុចទាក់ចិត្តនារីៗតែម្ដង ។

មិនតែប៉ុណ្ណោះ Maria ក៏មានផ្ទះជាន់ផ្ទាល់ដីព័ទ្ធអាងទឹកសម្រាប់គូស្នេហ៍ ឬគ្រួសារបង្កើតបរិយាកាសរីករាយដូចជា អាំងសាច់ ហែលទឹក និងលំហែកាយជាដើម។ អាស្រ័យដូចបានរៀបរាប់ ផ្ទះដែល Maria ដាក់ជួលពិតជាស័ក្ដិសមនឹងតម្លៃពិតមែន ៕

ប្រែសម្រួល៖ វារី

ចុចអាន៖ Kanye West និងភរិយាថ្មី ចំណាយប្រាក់ ២ ម៉ឺនដុល្លារ ជួលផ្ទះគេនៅ