ព័ត៌មានជាតិ

ឧកញ៉ា សំ សុខនឿន ដឹកនាំគ្រូពេទ្យស្ម័គ្រចិត្ត ចិនតៃវ៉ាន់ ពិនិត្យ និងព្យាបាលពលរដ្ឋជិត ១០០០នាក់នៅខេត្តសៀមរាប

បានផុស

៣ years មុន

នៅ

ថ្ងៃសៅរ៍ ២៩ កក្កដា ២០២៣

ដោយ

ឧកញ៉ា សំ សុខនឿន ប្រធានសមាគមអចលនទ្រព្យសកល អគ្គនាយកក្រុមហ៊ុន SAM SN REALTY និងអ្នកស្រី SALLY YU បានដឹកនាំ គ្រូពេទ្យស្ម័គ្រចិត្តជនជាតិតៃវ៉ានចំនួន ១០០នាក់ ធ្វើការពិនិត្យនិងព្យាបាលជំងឺដល់ប្រជាពលរដ្ឋទូរទៅ ចំនួន ៨៥០នាក់ និងសិស្សានុសិស្ស ចំនួន៣៥០នាក់ ដោយឥតគិតថ្លៃ នៅសាលាបឋមសិក្សា និងអនុវិទ្យាល័យ ហ៊ុន សែន ស្វាយចេក ឃុំស្វាយចេក ស្រុកអង្គរធំ ខេត្តសៀមរាប នាព្រឹកថ្ងៃសៅរ៍ ទី២៩ ខែកក្កដា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ៉ា សំ សុខនឿន ក៏បានការចែកអង្ករ មី និងទំនិញជាគ្រឿងឧបភោគបរិភោគ ដល់ប្រជាពលរដ្ឋចំនួន ៨៥០គ្រួសារ និងផ្តល់សម្ភារៈសិក្សាដល់សិស្សានុសិស្សចំនួន៣៥០នាក់ផងដែរ។ការពិនិត្យ និងព្យាបាលជំងឺ និងការចែកអង្ករ មី និងទំនិញជាគ្រឿងឧបភោគ បរិភោគដល់ប្រជាពលរដ្ឋចំនួន ៤ថ្ងៃ គឺ ពីថ្ងៃទី២៧ ដល់ថ្ងៃទី ៣០ ខែកក្កដា ឆ្នាំ២០២៣ នៅទីតាំងផ្សេងៗគ្នានៃខេត្តសៀមរាប។

ឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY កំពុងឈរជើងយ៉ាងរឹងមាំលើវិស័យអចលនទ្រព្យ វិស័យអប់រំ វិស័យឧស្សាហកម្ម ក្រុមហ៊ុននាំចូលជីកសិម្ម រួមចំណែកទ្រទ្រង់សេដ្ឋកិច្ចជាតិ ព្រមទាំងផ្ដល់ឱកាសការងារដល់ពលរដ្ឋខ្មែរជាច្រើននាក់។លោកឧកញ៉ា តែងជួយការងារសង្គម និងមនុស្សធម៌ជាហូរហែនាពេលកន្លងមក៕