ព័ត៌មានអន្ដរជាតិ

មកដឹងចំនួនសំឡេងគាំទ្រសរុបដែលលោក ស្រេតថា ទទួលបានក្នុងការបោះឆ្នោតសភា ក្លាយជានាយករដ្ឋមន្ត្រី

បានផុស

២ years មុន

នៅ

ថ្ងៃអង្គារ ២២ សីហា ២០២៣

ដោយ

បេក្ខភាពមកពីគណបក្សភឿថៃលោក ស្រេតថា ថាវីស៊ីន នៅថ្ងៃអង្គារនេះត្រូវបានសមាជិករដ្ឋសភា និងព្រឹទ្ធសភាបោះឆ្នោតជ្រើសរើសជានាយករដ្ឋមន្ត្រីទី ៣០ របស់ប្រទេសជាមួយនឹងសំឡេងគាំទ្រចំនួន ៤៨២, ប្រឆាំង ១៦៤ និងអនុបវាទចំនួន ៨១ សំឡេង ក្នុងចំណោមសមាជិកសភាទាំងពីរដែលមានចំនួនសរុប ៧២៨ រូប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ក្នុងចំណោមសំឡេងឆ្នោតគាំទ្រទាំង ៤៨២ សម្រាប់លោក ស្រេតថា មាន ៣៣០ សំឡេងកើតចេញពីសមាជិករដ្ឋសភា និង ១៥២ សំឡេងមកពីសមាជិកព្រឹទ្ធសភា ខណៈដើម្បីក្លាយជានាយករដ្ឋមន្ត្រីគណបក្សឈ្នះឆ្នោតត្រូវសំឡេងគាំទ្រពីសមាជិករដ្ឋសភា និងព្រឹទ្ធសភាយ៉ាងតិច ៣៧៦ ។

ដោយឡែកសម្រាប់សំឡេងឆ្នោតបោះប្រឆាំងឧកញ៉ាអចលនទ្រព្យវ័យ ៦០ ឆ្នាំទាំង ១៦៤ នេះមានសមាជិករដ្ឋសភា ១៥២ រូប និង ១២ រូបជាសមាជិកព្រឹទ្ធសភា ខណៈសំឡេងអនុបវាទចំនួន ៨១ គឺមកពីសមាជិករដ្ឋសភា ១៣ រូប និងសមាជិកព្រឹទ្ធសភា ៦៨ រូប ។

គួរបញ្ជាក់ថា ការជ្រើសរើសបាននាយករដ្ឋមន្ត្រីថ្មីនេះ ក៏បញ្ចប់ភាពជាប់គាំងផ្នែកនយោបាយក្នុងការបង្កើតរដ្ឋាភិបាលថ្មីរបស់ថៃផងដែរ បន្ទាប់ពីអូសបន្លាយពេលប្រមាណ ១០០ ថ្ងៃមកហើយ ចាប់តាំងពីការបោះឆ្នោតកាលពីថ្ងៃទី១៤ ខែឧសភាមក ៕