វប្បធម៌ ជំនឿ

ពេជ្រ ចរណៃ បញ្ជាក់ថា សៀវភៅក្បាច់គុនបុរាណខ្មែរល្បុក្កតោថ្នាក់ក្រមា”ស” មានលក់ហើយ!

បានផុស

៣ years មុន

នៅ

ថ្ងៃពុធ ៣០ សីហា ២០២៣

ដោយ

ភ្នំពេញ ៖ បើតាមការបញ្ជាក់ពីកញ្ញា ពេជ្រ ចរណៃ បានប្រាប់កម្ពុជាថ្មីឲ្យដឹងថា សៀវភៅក្បាច់គុនបុរាណខ្មែរល្បុក្កតោថ្នាក់ក្រមា”ស” ដែលចងក្រងដោយលោកគ្រូតាក្រមាមាសព្រឹទ្ធាចារ្យ សាន គឹមស៊ាន បានចាប់ផ្តើមដាក់លក់បណ្តើរៗ ដើម្បីងាយស្រួលសម្រាប់អ្នកចង់ហាត់រៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត ល្បុក្កតោគឺជាក្បាច់គុនវប្បធម៌ខ្មែរដែលកំពុងតែមានភាពល្បីល្បាញទូទាំងប្រទេសកម្ពុជា និងពិភពលោក។ ចំណែកឯព្រឹទ្ធាចារ្យផ្នែកក្បាច់គុនបុរាណខ្មែរ”ល្បុក្កតោ” គឺលោកគ្រូក្រមាមាសសាន គឹមស៊ាន មហាជនជាច្រើនពិតជាបានស្គាល់គ្រប់គ្នា។

លោកគ្រូតា ត្រូវបានគេចាត់ទុកថា លោកគ្រូជាផ្នែកមួយដ៏សំខាន់ ក្នុងការចូលរួមលើកស្ទួយ ផ្សព្វផ្សាយក្បាច់គុនបុរាណខ្មែរ “ល្បុក្កតោ” រហូតធ្វើឲ្យពិភពលោកបានស្គាល់និងល្បីល្បាញលើឆាកអន្តរជាតិ។

តារាសម្តែងកញ្ញា ពេជ្រ ចរណៃកូនសិស្សលោកគ្រូតាបានបញ្ជាក់ថា សម្រាប់បងប្អូនដែលចង់ទិញសៀវភៅ ក្បាច់គុនបុរាណខ្មែរល្បុក្កតោថ្នាក់ក្រមា”ស” គឺមានលក់ហើយ ដូច្នេះអាចកុម្ម៉ង់បាន ព្រោះងាយស្រួលសម្រាប់បងប្អូនដែលចង់ហាត់រៀនតាមនឹងចង់ដឹងច្បាស់ពីប្រវត្តិនៃក្បាច់គុនបុរាណខ្មែរដែលមានអាយុកាលជាង២០០០ឆ្នាំ។

ចំណែកតម្លៃត្រូវបានកញ្ញា ពេជ្រ ចរណៃ បានឲ្យដឹងថា សម្រាប់១ក្បាលត្រឹមតែ១០ដុល្លារប៉ុណ្ណោះ។ លោកគ្រូតាក្រមាមាស សាន គឹមស៊ាន ទោះបីលោកពេលនេះមានអាយុច្រើនហើយក្តី តែលោកគ្រូតាបានប្រើពេលវេលាស្ទើរតែពេញមួយជីវិតរបស់លោក ខិតខំប្រឹងប្រែងចងក្រងឯកសារលើកស្ទួយផ្សព្វផ្សាយ និង លះបង់ច្រើនណាស់ ដើម្បីវប្បធម៌ក្បាច់គុនបុរាណខ្មែរគុន”ល្បុក្កតោ”។

តារាសម្តែងកញ្ញាពេជ្រ ចរណៃដែលជាកូនសិស្សលោកគ្រូតាបន្ថែមថា លោកគ្រូតាក្រមាមាស សានគឹមស៊ាន ពេលនេះលោកបានលះបង់ដើម្បីវប្បធម៌ក្បាច់គុន ល្បុក្កតោខ្មែរលើសពីសុខភាពខ្លួនឯងទៀត។ នាងបន្តថា ទោះពេលនេះលោកធ្លាក់ខ្លួនឈឺ ក៏លោកគ្រូតានៅឆ្លៀតចងក្រងក្បាច់គុនបន្ថែមទៀតដើម្បីបន្តឱ្យក្មេងៗជំនាន់ក្រោយ៕

ដោយ ៖ ចាន់រ៉ា