រុស្ស៊ីកំពុងរៀបចំទទួលលោក គីម ជុងអ៊ុន សម្រាប់កិច្ចប្រជុំកំពូលនៅទីក្រុង Vladivostok

ប្រទេសរុស្ស៊ីនិងកូរ៉េខាងជើង កំពុងរៀបចំឲ្យ​មានជំនួបកំពូលរវាងប្រធានាធិបតី វ្ល៉ាឌីមៀ ពូទីន និង លោក គីម ជុងអ៊ុន នៅតំបន់ចុងបូព៌ា ដែលគ្រោងនឹងចាប់ផ្តើមនៅថ្ងៃអាទិត្យនេះ។

អ្នកនាំពាក្យប្រធានាធិបតីរុស្ស៊ី លោក Dmitry Peskov បានប្រកាសកាលពីថ្ងៃសៅរ៍ថា លោក Putin គ្រោង​នឹងធ្វើទស្សនកិច្ចនៅភាគខាងកើតឆ្ងាយនៃទីក្រុង Vladivostok នៅថ្ងៃច័ន្ទ និង​ថ្ងៃអង្គារ ដើម្បីចូលរួមសន្និសីទអន្តរជាតិមួយហៅថា វេទិកាសេដ្ឋកិច្ចបូព៌ា សន្និសីទនេះមានរយៈ​ពេលបួន​ថ្ងៃ គ្រោងនឹងបើកនៅថ្ងៃអាទិត្យក្នុង​ទីក្រុង។

លោក Peskov បាននិយាយថា ប្រធានាធិបតីនឹងថ្លែងសុន្ទរកថានៅក្នុង​សម័យប្រជុំពេញអង្គ​នៅថ្ងៃ​អង្គារស្របពេលដែល​ភ្ញៀវបរទេសនៅក្នុងវេទិកាសេដ្ឋកិច្ច នឹង​រាប់បញ្ចូលទាំងមន្ត្រីជាន់ខ្ពស់​មកពីប្រទេស​ឡាវ និងចិន ហើយថាលោកមិនមានអ្វីត្រូវនិយាយ​អំពីដំណើរទស្សនកិច្ចដែល​អាចធ្វើទៅបាន ដោយមេដឹកនាំកូរ៉េខាងជើងនោះទេ។

មន្ត្រីរដ្ឋាភិបាលក្នុងតំបន់ដែនសមុទ្របានប្រាប់សារព័ត៌មាន NHK ថា លោក គីម ជុងអ៊ុន ទំនងជា​នឹង​ចាកចេញពី​ប្រទេស​កូរ៉េខាងជើងនៅថ្ងៃច័ន្ទ តាមរថភ្លើងពិសេសមួយ។

ជាក់ស្ដែង ក្នុងលោកពូទីន នឹងព្យាយាមពិភាក្សាជាមួយមេដឹកនាំកូរ៉េខាងជើង អំពីលទ្ធភាព​នៃការ​ផ្តល់​អាវុធ​ឲ្យ​កូរ៉េខាងជើង នៅពេលដែលការឈ្លានពាន​របស់រុស្ស៊ីលើអ៊ុយក្រែននៅតែ​បន្ត ព្រមទាំងកិច្ចសហប្រតិបត្តិការយោធាផ្សេងទៀត។

ដោយឡែក នៅ​ស្ថានីយ​មួយក្នុងទីក្រុង Vladivostok រថយន្តស្ទូចមួយត្រូវបានប្រើ​ដើម្បីគូរជញ្ជាំង​អគារ​ស្ថានីយ៍ និង​លាង​សម្អាតស្នាមប្រឡាក់​នៅក្នុងប្រតិបត្តិការ​សម្អាតដែលបាន​បញ្ចប់កាល​ពី​ថ្ងៃសៅរ៍ម្សិលមិញនេះ៕

ប្រែសម្រួល៖ សាង ស្រីល័ក្ខ

ប្រភព៖ NHK

ចុចអាន៖តើ រុស្ស៊ី និងចិនផ្ញើសារអ្វីខ្លះទៅកាន់លោក គីម ជុងអ៊ុន ក្នុងខួបលើទី ៧៥ នៃការបង្កើតប្រទេសកូរ៉េខាងជើង?