បន្ទាប់ពីលោក គីម ជុងអ៊ុន, រដ្ឋមន្ត្រីការបរទេសចិន​ នឹងធ្វើទស្សកិច្ចនៅ រុស្ស៊ី ម្តង

ទីក្រុងមូស្គូ បានប្រកាសនៅថ្ងៃពុធទី១៣ខែកញ្ញាថា រដ្ឋមន្ត្រីការបរទេសចិន លោក វ៉ាង យី នឹងធ្វើទស្សនកិច្ចនៅរដ្ឋធានីរុស្ស៊ី នៅថ្ងៃចន្ទសប្តាហ៍ក្រោយ ដើម្បីពិភាក្សាជាមួយសមភាគីលោក Sergei Lavrov។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ប្រធានបទនៃកិច្ចពិភាក្សារវាងថ្នាក់ដឹកនាំទាំង២ មិនត្រូវបានគេបង្ហាញឲ្យដឹងនោះទេ។

សេចក្តីប្រកាសនេះធ្វើឡើង ខណៈមេដឹកនាំកូរ៉េខាងជើង លោក គីម ជុងអ៊ុន កំពុងបំពេញទស្សនកិច្ចប្រទេសរុស្ស៊ី ដើម្បីជួបពិភាក្សាជាមួយលោកប្រធានាធិបតី វ្ល៉ាឌីមៀរ ពូទីន។

នៅឯទីលានបាញ់បង្ហោះយានអវកាស Vostochny Cosmodrome, លោក ពូទីន ប្រាប់លោក គីម ថា រុស្ស៊ី នឹងជួយក្នុងកម្មវិធីរុករកអវកាស និងផលិតគ្រាប់រ៉ុកកែតទៅដល់រដ្ឋាភិបាលកូរ៉េខាងជើង។

គួរបញ្ជាក់ថា នេះគឺជាជំនួបកំពូលលើកទី ២ រវាងលោក គីម និងលោក ពូទីន បន្ទាប់ពីមេដឹកនាំទាំងពី ជួបគ្នាម្ដងកាលពីឆ្នាំ២០១៩ ក្នុងដំណើរទស្សនកិច្ចលើកចុងក្រោយរបស់លោក គីម នៅក្រៅប្រទេស ក្រោយពិភពលោកជួបប្រទះវិបត្តិជំងឺរាតត្បាតកូវីដ១៩៕

ប្រែសម្រួល៖ Vann Vann

ប្រភព៖ Devdiscourse

ចុចអាន៖ លោក ពូទីន ប្រាប់ គីម ជុងអ៊ុន ថា រុស្ស៊ី នឹងជួយ កូរ៉េខាងជើង ក្នុងកម្មវិធី សំខាន់ៗចំនួន ២