មីយ៉ាន់ម៉ាព្រមានសារព័ត៌មាននិងប្រជាជន កុំផ្សព្វផ្សាយពាក្យចចាមអារ៉ាមនិងញុះញង់ឲ្យមានចលាចល

ក្រសួងព័ត៌មានមីយ៉ាន់ម៉ាបានចេញសេចក្តីថ្លែងការណ៍មួយកាលពីថ្ងៃទី២ខែកុម្ភៈម្សិលមិញនេះ ដោយព្រមានបណ្តាញសារព័ត៌មាននិងប្រជាជនកុំឲ្យផ្សព្វផ្សាយពាក្យចចាមអារ៉ាមលើប្រព័ន្ធផ្សព្វផ្សាយសង្គមនិងញុះញង់ឲ្យមានចលាចល ហើយបានជំរុញឲ្យប្រជាជនសហការជាមួយរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងនិយាយថា “ប្រព័ន្ធផ្សព្វផ្សាយនិងប្រជាជនមួយចំនួនកំពុងពង្រីករាលដាលនូវពាក្យចចាមអារ៉ាម បង្កើតការជួបជុំដើម្បីញុះញង់និងចេញសេចក្តីថ្លែងការណ៍ដែលអាចបង្កចលាចល”។

ក្រសួងបន្តថា “យើងសូមជំរុញឲ្យប្រជាជនកុំធ្វើសកម្មភាពទាំងនេះ ហើយយើងសូមជូនដំណឹងដល់សាធារណៈជនឲ្យសហការដោយយោងតាមច្បាប់ដែលមានស្រាប់និងរដ្ឋាភិបាល”។

ការជូនដំណឹងនេះនិយាយទៀតថា “បញ្ហានេះបានធ្វើឲ្យប៉ះពាល់ដល់សាមគ្គីភាពជាមួយប្រជាជននិងអន្តរាយដល់ស្ថិរភាពរបស់ប្រទេស”។

ទោះបីជាយ៉ាងណាក៏ដោយ សេចក្តីថ្លែងការណ៍របស់ក្រសួងមិនបានផ្តល់ព័ត៌មានលម្អិតឬឧទាហរណ៍ថាតើ ពាក្យចចាមអារ៉ាមឬការជួបជុំប្រភេទអ្វីដែលខ្លួនចង់សំដៅនោះទេ៕

ប្រែសម្រួលដោយ៖ Vann Vann

ប្រភព៖ Myanmar Times

ចុចអាន៖ មីយ៉ាន់ម៉ា រៀបចំកិច្ចប្រជុំគណៈរដ្ឋមន្រ្តីលើកដំបូងចាប់តាំងពីរដ្ឋប្រហារ