រូបភាព Jisoo ក្នុងភាពយន្តថ្មី ទទួលបានការពេញចិត្តពីអ្នកគាំទ្រ

កាលពីកន្លងទៅ អ្នកដឹកនាំរឿង “Dr. Cheon and Lost Talisman” លោក Kim Seong-sik បានលាតត្រដាងនៅអំឡុងសន្និសីទសារព័ត៌មានមួយថា Jisoo នឹងបង្ហាញខ្លួនជាតួពិសេសក្នុងភាពយន្តភាគភ័យរន្ធត់ និងអាថ៌កំបាំងរបស់ខ្លួន ដែលភាគយន្តនេះបានចាក់ផ្សាយតាមបណ្ដារោងភាពយន្តនៅកូរ៉េខាងត្បូង កាលពីថ្ងៃទី២៧ ខែកញ្ញា ឆ្នាំ២០២៣ ។

តាំងពីការប្រកាសរបស់អ្នកដឹកនាំរឿងមក មិនថារូបភាព ឬវីដេអូខ្លីអំពីតួនារីរបស់ Jisoo នៅក្នុងភាពយន្តថ្មីមិនបានចែករំលែកបន្តិចឡើយ ទើបតែពេលនេះរូបភាពមួយចំនួនរបស់នាងបានផ្សព្វផ្សាយដោយអ្នកគាំទ្រ។ គេបានដឹងថា នៅក្នុងភាពយន្តរឿង “Dr. Cheon and Lost Talisman” សមាជិក BLACKPINK រូបនេះ បានសម្ដែងជាតួនាងទេពអប្សរ។ ប៉ុន្តែតួនេះ មិនបង្ហាញច្រើនឡើយ ពោលគឺ Jisoo ចូលរួមជាតារាកិត្តិយស។

ទោះបីបង្ហាញខ្លួនមិនច្រើនក្ដី ទស្សនិកជនជាច្រើននាក់ ​ជាពិសេស BLINKs ពិតជាសាទរដែលអាយដលរបស់ខ្លួន កាន់តែមានប្រជាប្រិយភាពក្នុងវិស័យសម្ដែង ខណៈរូបភាពដែលបានចែករំលែកពីភាពយន្តរឿង “Dr. Cheon and Lost Talisman” មើលទៅ Jisoo ពិតជាស្រស់ស្អាតប្លែកភ្នែកខ្លាំង៕

ប្រែសម្រួល៖ សន្យា

ចុចអាន៖ ពិតទេ Jennie និង Jisoo ត្រៀមបើកផលិតកម្មខ្លួនឯង ក្រោយបញ្ចប់កុងត្រាជាមួយ YG?