ពិតទេ Jennie និង Jisoo ត្រៀមបើកផលិតកម្មខ្លួនឯង ក្រោយបញ្ចប់កុងត្រាជាមួយ YG?

បន្ទាប់ពីព័ត៌មានចចាមអារ៉ាមបញ្ចប់កុងត្រារបស់ក្រុម BLACKPINK​ ជាមួយផលិតកម្ម YG នៅតែបន្តផ្សព្វផ្សាយមិនទាន់ស្ងប់ស្ងាត់ ថ្មីៗនេះលេចឮដំណឹងក្ដៅមួយទៀតថា​ សមាជិកក្រុមពីរនាក់គឺ Kim Jennie និង Kim Jisoo ត្រៀមបើកផលិតកម្មខ្លួនឯង ក្រោយកិច្ចសន្យាចាស់បញ្ចប់ជាផ្លូវការ។

កាលពីពេលកន្លង​មក មាន​ពាក្យ​ចចាមអារ៉ាម​ថា Rose ជា​សមាជិក​តែ​ម្នាក់​គត់​ក្នុង​ក្រុម​ដែល​សម្រេច​ចិត្ត​បន្ត​កុងត្រា​ជាមួយ YG Entertainment។ ជាមួយគ្នានេះដែរ ទីភ្នាក់ងារសារព័ត៌មានកូរ៉េខាងត្បូង News1 បានរាយការណ៍ថា សមាជិកនាក់គឺ Jennie និងJisoo កំពុងរៀបចំបើកផលិតកម្មផ្ទាល់ខ្លួន ខណៈ Lalisa ចុះកុងត្រាជាមួយផលិតកម្មថ្មីដោយឡែក។

ថ្វីត្បិត​ព័ត៌មាននេះលេចឮយ៉ាងក្ដៅគគុកយ៉ាងណាក៏ដោយ ​ផលិតកម្ម YG Entertainment នៅតែ​អះអាង​ពាក្យដដែលថា មិន​ទាន់​មាន​ការ​បញ្ជាក់​ណា​មួយ​ទាក់ទង​នឹង​ការ​បន្ត​កុងត្រា​របស់ BLACKPINK និង​សកម្មភាព​នា​ពេល​អនាគត​របស់​ពួក​គេ​នោះទេ៕

ប្រែសម្រួល៖ សន្យា

ចុចអាន៖ BLACKPINK អាចមិនបន្តកុងត្រាជាមួយ YG តែក្រុមទំនងមិនរំសាយឡើយ