ព័ត៌មានអន្ដរជាតិ
អ៊ីស្រាអែល ប្រកាសឲ្យពលរដ្ឋរបស់ខ្លួន ចាកចេញពី តួកគី ជាបន្ទាន់
នៅថ្ងៃពុធទី១៨ខែតុលា អ៊ីស្រាអែល បានប្រកាសឲ្យពលរដ្ឋរបស់ខ្លួន ចាកចេញពីប្រទេសតួកគី ជាបន្ទាន់ ដោយលើកឡើងពីការគំរាមកំហែងកាន់តែខ្លាំងឡើង នៃការវាយប្រហារភេរវកកម្ម ចំពេលមានកំហឹងធំធេង ពាក់ព័ន្ធការវាយប្រហារដោយមីស៊ីល លើមន្ទីរពេទ្យនៅ តំបន់ហ្គាហ្សា។
ក្រុមប្រឹក្សាសន្តិសុខជាតិរបស់ប្រទេស (NSC) ក៏ចេញបម្រាមធ្វើដំណើរទៅកាន់ប្រទេសតួកគីដាច់ខាតផងដែរ។ NSC និយាយនៅក្នុងសេចក្តីថ្លែងការណ៍មួយថា “ដោយសារតែព្រឹត្តិការណ៍ថ្មីៗ មានក្តីព្រួយបារម្ភថា តួអង្គភេរវករឬអ្នកវាយប្រហារម្នាក់ឯង អាចនឹងកំណត់គោលដៅលើជនជាតិអ៊ីស្រាអែល នៅក្នុងប្រទេសផ្សេងៗទូទាំងពិភពលោក”។
មិនត្រឹមប៉ុណ្ណឹង NSC ក៏បានព្រមានការធ្វើដំណើរទៅកាន់ប្រទេសម៉ារ៉ុក ហ្ស៊កដានី អេហ្ស៊ីប អារ៉ាប់រួម អាស៊ែបៃហ្សង់ និងអ៊ីរ៉ង់ផងដែរ។
សេចក្តីជូនដំណឹងនេះ បានចេញចំពេលមនុស្សរាប់ពាន់នាក់ ប្រមូលផ្តុំគ្នាដើម្បីតវ៉ានៅខាងក្រៅស្ថានកុងស៊ុលអ៊ីស្រាអែលក្នុងទីក្រុងអ៊ីស្តង់ប៊ុល បន្ទាប់ពីលេចឮព័ត៌មានថា ការវាយប្រហារដោយមីស៊ីលទៅលើមន្ទីរពេទ្យនៅហ្គាហ្សាស្ទ្រីប បានសម្លាប់ជនជាតិប៉ាឡេស្ទីនប្រហែល៥០០នាក់។
ទោះបីជាមន្ត្រីប៉ាឡេស្ទីនបានស្តីបន្ទោសអ៊ីស្រាអែលភ្លាមៗចំពោះការវាយប្រហារនេះក៏ដោយ ប៉ុន្តែ កងកម្លាំងការពារជាតិអ៊ីស្រាអែល និងនាយករដ្ឋមន្ត្រី Benjamin Netanyahu បានអះអាងថា មន្ទីរពេទ្យនេះ ត្រូវបំផ្លាញដោយគ្រាប់រ៉ុកកែត ដែលបាញ់ដោយក្រុមសកម្មប្រយុទ្ធប៉ាឡេស្ទីនទៅវិញទេ៕
ប្រែសម្រួល៖ Vann Vann
ប្រភព៖ RT
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត