កីឡា

Leduc ថា ខ្លួនប្រាណទាំងមូលជាអាវុធ ប៉ះ ព្រំ សំណាង ចុងសប្តាហ៍នេះ

បានផុស

២ years មុន

នៅ

ថ្ងៃចន្ទ ៣០ តុលា ២០២៣

ដោយ

កីឡាករមីយ៉ាន់ម៉ា Dave Leduc បានប្រកាសពីការត្រៀមខ្លួនរួចរាល់ហើយដើម្បីប្រកួតក្នុងព្រឹត្តិការណ៍បំផុតតទល់នឹងជើងឯកគុនខ្មែរ ព្រំ សំណាង នៅថ្ងៃទី៥ ខែវិច្ឆិកា ឆ្នាំ២០២៣។

កីឡាករបាននិយាយថា នេះជាសប្តាហ៍ប្រកួត ខ្លួនបានត្រៀមខ្លួនរួចរាល់ហើយសម្រាប់ព្រឹត្តិការណ៍ជាប្រវត្តិសាស្ត្រ។ «នេះជាសប្តាហ៍ប្រកួតគ្នា រាងកាយទាំងមូលរបស់ខ្ញុំគឺជាអាវុធ ត្រៀមខ្លួនសម្រាប់ការប្រកួតដ៏ធំបំផុតក្នុងប្រវត្តិសាស្ត្រអាស៊ីអាគ្នេយ៍»។

កាលពីសប្តាហ៍មុននេះ ព្រំ សំណាង ហាក់សម្ញែងក្បាច់គុនយ៉ាងខ្លាំងតាមរយៈគ្រូចំនួន១០រូបដែលបានបង្វឹកបង្ហាត់ដើម្បីត្រៀមប្រកួតជាមួយកីឡាករមីយ៉ាន់ម៉ា។ ឃើញសកម្មភាពរបស់កីឡាករគុនខ្មែរបែបនេះ Dave Leduc បាននិយាយបែបឌឺដងថា ៖«បើទោះបីជា ព្រំ សំណាង មានគ្រូបង្វឹក១០០នាក់ ក៏គាត់មិនគ្រប់គ្រាប់ដែរ។ ជួបគ្នាឆាប់ៗកម្ពុជា។ ទោះមានគ្រូបង្វឹក១០០នាក់ទៀត ក៏មិនគ្រប់ឈ្នះខ្ញុំដែរ»។

មុនពេលចេញសារខាងលើ Leduc ក៏បានបញ្ចេញមតិខ្លីមួយដែរនៅព្រឹកថ្ងៃទី២៦ ខែតុលានេះដោយបាននិយាយពាក់ព័ន្ធនឹងគ្រូបង្វឹកទាំង១០រូបដោយបាននិយាយថា ព្រំ សំណាង ប្រហែលជាភ័យហើយបានជាខំប្រឹងរហូតដល់មានគ្រូ១០នាក់។

តាមការគ្រោងទុក ជំនួបរវាងកីឡាករទាំងពីរតាមច្បាប់គុនខ្មែរ ប៉ុន្តែតែ១ទឹក៩នាទីប៉ុណ្ណោះដោយលក្ខខណ្ឌត្រូវវ៉ៃដៃគូឲ្យសន្លប់ទើបមានអ្នកឈ្នះ និងចាញ់ នៅសង្វៀនថោន ថ្ងៃអាទិត្យ ទី៥ ខែវិច្ឆិកា ឆ្នាំ២០២៣៕

អត្ថបទ៖ វីរបុត្រ