ព័ត៌មានជាតិ

ក្រសួងអប់រំ ប្រជុំ បណ្តុះបណ្តាលថ្នាក់បណ្ឌិត និងឋានៈសាស្ត្រាចារ្យ

បានផុស

៣ years មុន

នៅ

ថ្ងៃព្រហស្បតិ៍ ២ វិច្ឆិកា ២០២៣

ដោយ

បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី ក្រសួងអប់រំ យុវជន និងកីឡា ដឹកនាំកិច្ចប្រជុំ ស្តីពី ការបណ្តុះបណ្តាលថ្នាក់បណ្ឌិត និងឋានៈសាស្ត្រាចារ្យ នៅតាមគ្រឹះស្ថានឧត្ដមសិក្សា និងវិទ្យាស្ថានជាតិអប់រំ ដើម្បីពង្រឹង និងបង្កើនការទទួលស្គាល់គុណវុឌ្ឍិ ក្នុងគោលដៅធានាឱ្យបាននូវ ការបណ្តុះបណ្តាលប្រកបដោយគុណភាព និងនវានុវត្តន៍។ កិច្ចប្រជុំនេះ ធ្វើឡើង នៅទីស្ដីការក្រសួងអប់រំ យុវជន និង កីឡា នារសៀលថ្ងៃទី១ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះផ្ដោតពិភាក្សាសំខាន់លើ ការបង្កើតគោលការណ៍ នៃការបណ្ដុះបណ្ដាលថ្នាក់បណ្ឌិត នៅវិទ្យាស្ថានជាតិអប់រំ ការជ្រើសរើសនិស្សិត កម្មវិធីសិក្សា និងយន្តការពិនិត្យវឌ្ឍនភាព នៃការសិក្សា និងការស្រាវជ្រាវរបស់និស្សិត គុណវុឌ្ឍិសាស្ត្រាចារ្យ គ្រូបង្រៀន និងគ្រូណែនាំ និងគម្រោងស្រាវជ្រាវនិក្ខេបបទ និងការវាយតម្លៃ។

ផែនការគាំទ្រដល់ការបណ្តុះបណ្តាលថ្នាក់បណ្ឌិត រួមមាន៖

– ផ្តល់ការគាំទ្រដល់គ្រឹះស្ថានឧត្តមសិក្សា ក្នុងការកែលម្អ និងអនុវត្តកម្មវិធីសិក្សាថ្នាក់បណ្ឌិត

– ផ្តល់ការគាំទ្របច្ចេកទេសដល់គ្រឹះស្ថានឧត្តមសិក្សា ក្នុងការរៀបចំ និងដំណើរការទស្សនាវដី្តស្រាវជ្រាវ និងជំនាញសរសេរអត្ថបទស្រាវជ្រាវសម្រាប់ការបោះពុម្ពផ្សាយ

– រៀបចំឱ្យមានសៀវភៅណែនាំ ស្តីពី មគ្គុទ្ទេសក៍ស្រាវជ្រាវសម្រាប់គ្រឹះស្ថានឧត្តមសិក្សា

– រៀបចំសៀវភៅណែនាំ ស្តីពី ក្រមសីលធម៌ នៃការស្រាវជ្រាវ និងឧបករណ៍វាយតម្លៃ

– រៀបចំឱ្យមានស្តង់ដានិក្ខេបបទថ្នាក់បណ្ឌិត

– ពិនិត្យតាមដាន និងធ្វើការស្រាវជ្រាវលើដំណើរការ និងគុណភាព នៃការបណ្តុះបណ្តាលថ្នាក់បណ្ឌិតប្រចាំឆ្នាំ

– បង្កើតគណៈកម្មការត្រួតពិនិត្យគុណភាព នៃការបណ្ដុះបណ្ដាលថ្នាក់បណ្ឌិត៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា