ព័ត៌មានអន្ដរជាតិ
ក្រុមឧទ្ទាម ហ៊ូធី គាំទ្រដោយអ៊ីរ៉ង់ គំរាមប្លន់កប៉ាល់ថែមទៀត នៅសមុទ្រក្រហម
ក្រុមឧទ្ទាម ហ៊ូធី ដែលគាំទ្រដោយអ៊ីរ៉ង់ បានព្រមានថា ពួកគេអាចចាប់យកកប៉ាល់បន្ថែមទៀត បន្ទាប់ពីការទម្លាយវីដេអូមួយ ដែលបង្ហាញពីអ្នកប្រយុទ្ធរបស់ខ្លួន ចុះពីឧទ្ធម្ភាគចក្រដើម្បីប្លន់កប៉ាល់ ក្នុងសមុទ្រក្រហម។
ការព្រមាននេះធ្វើឡើង បន្ទាប់ពីក្រុមហ៊ូធី រឹបអូសយកកប៉ាល់ដឹកទំនិញដែលមានទំនាក់ទំនងជាមួយអ៊ីស្រាអែលកាលពីថ្ងៃអាទិត្យ ដែលបន្ថែមភាពតានតឹងថ្មីទៀតពីលើសង្គ្រាមនៅតំបន់ហ្គាហ្សា រវាងអ៊ីស្រាអែលនិងក្រុមឥស្លាមប៉ាឡេស្ទីន ហាម៉ាស។
កងទ័ពដែលដឹកដោយឧទ្ធម្ភាគចក្រ បានប្លន់កប៉ាល់ Galaxy Leader និងនាវិកអន្តរជាតិ២៥នាក់ ប៉ុន្មានថ្ងៃបន្ទាប់ពីក្រុមហ៊ូធី គំរាមកំណត់គោលដៅលើការដឹកជញ្ជូនរបស់អ៊ីស្រាអែល ដោយសារតែសង្គ្រាម។
ទោះបីជាយ៉ាងណាក៏ដោយ កប៉ាល់នេះត្រូវបានជួលដោយជនជាតិជប៉ុនមួយក្រុម ហើយមានដោតទង់ជាតិ បាហាម៉ាស។
អ្នកថតរូបម្នាក់និយាយថា បច្ចុប្បន្ន កប៉ាល់ Galaxy Leader បានចូលចតនៅកំពង់ផែ Hodeida ដែលគ្រប់គ្រងដោយក្រុមឧទ្ទាមនៅភាគពាយព្យប្រទេសយេម៉ែន ហើយមានការយាមកាមយ៉ាងដិតដល់។
សូមបញ្ជាក់ ក្រុមហ៊ូធី បានប្រកាសខ្លួនឯងជាចលនាតស៊ូរបស់សម្ព័ន្ធមិត្តអ៊ីរ៉ង់ ហើយថែមទាំងបាញ់បង្ហោះដ្រូន និងមីស៊ីលជាបន្តបន្ទាប់ សំដៅទៅកាន់ប្រទេសអ៊ីស្រាអែល ទៀតផង។
ដោយឡែក សេតវិមានបង្ហើបកាលពីថ្ងៃអង្គារថា ខ្លួនកំពុងពិចារណា ចាត់ទុកចលនាហ៊ូធី របស់យេម៉ែន ថាជាអង្គការភេរវកម្មសាជាថ្មី បន្ទាប់ពីករណីប្លន់កប៉ាល់នៅសមុទ្រក្រហម៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ក្រុមឧទ្ទាម ហ៊ូធី បញ្ចេញវីដេអូធ្វើសកម្មភាពប្លន់កប៉ាល់ដឹកទំនិញនៅ សមុទ្រក្រហម
-
ជីវិតកម្សាន្ដ៤ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង២ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ
-
ព័ត៌មានជាតិ២ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ