ព័ត៌មានជាតិ

សំណង់អគារចំនួនពីរ សាងភាពលេចធ្លោកណ្តាលក្រុងព្រះសីហនុ

បានផុស

៣ years មុន

នៅ

ថ្ងៃចន្ទ ៤ ធ្នូ ២០២៣

ដោយ

សំណង់អគារដ៏ខ្ពស់ស្កឹមស្កៃចំនួនពីរសាងភាពលេចធ្លោ ជាទីចាប់អារម្មណ៍ទាក់ទាញភ្នែកអ្នកទេសចរនៅក្រុងព្រះសីហនុ។

នៅកណ្តាលក្រុងព្រះសីហនុសំណង់អគារខ្ពស់ៗសាងសង់ឡើងយ៉ាងព្រោងព្រាត។ នៅក្នុងចំណោមសំណង់អគារខ្ពស់ៗដ៏ទាក់ទាញជាច្រើន ឃើញថាសំណង់អគារចំនួនពីរបានក្លាយជាទីចាប់អារម្មណ៍របស់មហាជននិងភ្ញៀវទេសចរដែលមកកម្សាន្តនៅក្រុងព្រះសីហនុ។

សំណង់ដ៏ខ្ពស់មួយដែលជាទីចាប់អារម្មណ៍របស់ភ្ញៀវទេសចរមានទីតាំងប្របតាមមាត់សមុទ្រ ស្ថិតនៅនៅតាមបណ្តោយមហាវិថី ២ ធ្នូ គឺមជ្ឍមណ្ឌលកម្សាន្ត Xihu resort hotel។ អគារនេះជាមណ្ឌលកម្សាន្តចម្រុះដែលរួមបញ្ចូលទាំងសណ្ឋាគារ និងកន្លែងកម្សាន្តផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឍមណ្ឌលកម្សាន្ត Xihu resort hotel

ដោយឡែកអគារដូចទឹករលកជីងសាង ក៏ជាសំណង់អគារដ៏គួរឲ្យចាប់អារម្មណ៍មួយទៀតនៅក្រុងព្រះសីហនុដែលស្ថិតនៅមិនឆ្ងាយពីមជ្ឍមណ្ឌលកម្សាន្ត Xihu resort hotel ដែលតែងតែទាក់ភ្នែកអ្នកទេសចរដែលដើរកម្សាន្តក្នុងក្រុងឆ្នេរសមុទ្រមួយនេះ។ ជាមួយការរចនារូបរាងដូចទឹករលក អគារនេះបម្រើមុខងារជាសណ្ឋាគារដ៏ទំនើបលំដាប់ផ្កាយ ៥។

សណ្ឋាគារជីងសាង រចនារូបរាងដូចទឹករលក

នៅខេត្តព្រះសីហនុមានសំណង់អគារខ្ពស់ៗជាង ១ ពាន់សំណង់។ នេះបើតាមរដ្ឋបាលខេត្តព្រះសីហនុ។ នៅក្នុងចំណោមសំណង់អគារដ៏ច្រើនស្អេកស្កះមានសំណង់ខ្លះបានសង់ទុកចោលមិនទាន់រួចរាល់នៅឡើយ។

ដើម្បីជំរុញឱ្យអគារជាប់គាំងមានប្រតិបត្តិការនិងដំណើរការសាងសង់ រដ្ឋាភិបាលបានសម្រេចបង្កើតគណៈកម្មការអន្តរក្រសួង និងស្ថាប័នដើម្បីបង្កើតយន្តការដោះស្រាយបញ្ហាអគារដែលជាប់គាំងមិនទាន់សាងសង់រួចដើម្បីអាចបន្តដំណើរការគម្រោងសាងសង់ឡើងវិញ។

រាជរដ្ឋាភិបាលដាក់ចេញវិធានការនិងគោលនយោបាយលើកទឹកចិត្តដល់ម្ចាស់អគារ ឬគម្រោងវិនិយោគដើម្បីជំរុញការវិនិយោគបង្កើតតម្រូវការនិងបង្កើនទំនុកចិត្ត ខណៈដែលខេត្តព្រះសីហនុត្រូវបានរាជរដ្ឋាភិបាលកម្ពុជារៀបចំផែនការមេប្រែក្លាយជាតំបន់សេដ្ឋកិច្ចពិសេសគំរូពហុបំណង៕