KPT+

យុវវ័យជួបរឿងពិបាកចិត្តដោះស្រាយយ៉ាងម៉េច កុំឲ្យរ៉ាំរ៉ៃក្លាយជាធ្ងន់ធ្ងរបាន?

បានផុស

៥ years មុន

នៅ

ថ្ងៃពុធ ១០ កុម្ភៈ ២០២១

ដោយ

Sonya

សោកសៅឬពិបាកចិត្ត គឺជាអារម្មណ៍ធម្មជាតិរបស់មនុស្ស។ អារម្មណ៍សោកសៅខ្លះកើតឡើងតែត្រឹមពេលមួយភ្លែត ហើយខ្លះទៀត២បីថ្ងៃ តែខ្លះអាចនៅយូររ៉ាំរ៉ៃ។

តើអារម្មណ៍សោកសៅអាចទុកថា ធម្មតាដែរអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អារម្មណ៍សោកសៅតែងកើតមាននៅពេលខ្លះក្នុងជីវិត តែវាមិនអីទេ! ដរាបណាវាមិនកើតឡើងញឹកញាប់ ឬរ៉ាំរ៉ៃយូរពេក។ អ្នកអាចស៊ូទ្រាំនឹងរឿងសោកសៅពិបាកចិត្តកើតឡើងបាន ដរាបណាអ្នកឈ្លាសវៃចេះបង្កើតឬធ្វើអ្វីមួយ ដើម្បីបន្ធូរអារម្មណ៍សោកសៅទាំងនោះចេញ។

ដំណោះស្រាយមានប្រសិទ្ធិភាពសម្រាប់យុវវ័យពេលពិបាកចិត្ត?

បើសិនសោកសៅ មិនចាំបាច់ព្យាយាមប្រើអារម្មណ៍ទៅបំផ្លាញថ្ងៃល្អរបស់អ្នកឡើយ។ ធ្វើអ្វីមួយដើម្បីជួយខ្លួនអ្នកឲ្យប្រសើរឡើងក្នុងពេលនេះ កុំបណ្ដោយឲ្យវានៅជាប់គាំងយូរពេក។

វិធីវិជ្ជមាន ដើម្បីដោះស្រាយអារម្មណ៍សោកសៅ ចូរព្យាយាមចំណាំពីអារម្មណ៍ខ្លួនឯង និងមូលហេតុ។ ការដឹងពីអារម្មណ៍ខ្លួនឯង ជួយអ្នកឲ្យយល់និងទទួលយកខ្លួនឯងក្នុងពេលនេះ។

ប្រសិនបើសុខៗស្រាប់តែអារម្មណ៍សោកសៅ សូមចំណាំ ប៉ុន្តែកុំផ្សារភ្ជាប់លើវាយូរពេក ឬនិយាយឲ្យស្រួល គឺកុំដ្រាម៉ាដូចក្នុងកុនភាគ។ គ្រាន់តែប្រាប់ខ្លួនអ្នក (ឬនរណាម្នាក់ផ្សេងទៀត) ថាអ្នកមានអារម្មណ៍មិនល្អ។ ហើយព្យាយាមរកមូលហេតុ និងវិធីដោះស្រាយជាបន្ទាន់។

ចូរបង្ហាញហេតុផលល្អៗប្រាប់ខ្លួនឯង ហើយនិយាយថាមិនអីទេ។ រំលឹកខ្លួនអ្នកថា ទុក្ខព្រួយនឹងកន្លងផុតទៅ ហើយអ្នកនឹងមានអារម្មណ៍ធូរស្បើយមកវិញ។ អ្នកអាចលេងល្បែងកម្សាន្ត ឬកីឡាជិះកង់ រាំ ឬដើរ រត់ បង្កើតសិល្បៈតន្ត្រី ការអានសៀវភៅ ចំណាយពេលជាមួយនរណាម្នាក់ដែលអ្នកចូលចិត្ត។ ត្រឡប់មកវិញ ពីការខកចិត្តឬការបរាជ័យ នៅពេលដែលអ្វីៗមិនដំណើរការ សូមកុំបោះបង់ចោល! ចូរស្ថិតនៅក្នុងហ្គេមនេះ ហើយប្រាប់ខ្លួនឯងថា នៅមានឱកាសក្រោយទៀត។ ព្យាយាមលើកតម្កើងខ្លួនឯង ផ្ដោតលើអ្វីដែលត្រូវការ ចូររក្សាឥរិយាបថវិជ្ជមាននេះ ហើយជឿលើខ្លួនឯង ថាខ្ញុំធ្វើបាន៕

ប្រែសម្រួល៖ សាង ស្រីល័ក្ខ

ចុចអាន៖ ធ្លាប់ទេ ពេលខ្លះបាក់ទឹកចិត្តព្រោះយល់ថាជីវិតអយុត្តិធម៌?

ចុចអាន៖ ហេតុអ្វីមនុស្សខ្លះ មិនដែលមានពេលវេលាគ្រប់គ្រាន់ សូម្បីតែសម្រាប់ខ្លួនឯង ?