កីឡា
FIFA កែច្បាប់ថ្មីពាន Club World Cup ឆ្នាំ ២០២៥ ដូច World Cup
សហព័ន្ធបាល់ទាត់ពិភពលោក (FIFA) បានប្រកាសកាលពីថ្ងៃអាទិត្យអំពីការកែប្រែរូបមន្តនៃការប្រកួតពានរង្វាន់ FIFA Club World Cup ចាប់ពីឆ្នាំ២០២៥ ដែលមានក្រុម៣២ ចូលរួមប្រកួតចាប់ពីពាក់កណ្តាលខែមិថុនា ដល់ពាក់កណ្តាលខែកក្កដា។
ពានរង្វាន់ដែលគ្រោងរៀបចំរាល់៤ឆ្នាំម្តងនេះ សហរដ្ឋអាមេរិកនឹងធ្វើម្ចាស់ផ្ទះនៅឆ្នាំ២០២៥។ ការប្រកួតបែងចែកជា៨ពូល ក្នុងពូលមានក្រុម៤។ ក្រុមលេខ១ និងលេខ២នៃពូលនីមួយៗឡើងវគ្គបន្ត។ ទម្រង់ច្បាប់ថ្មី FIFA Club World Cup នេះ ដូចច្បាប់ការប្រកួតបាល់ទាត់ជើងឯកពិភពលោក (World Cup)ដែរ។
ពានរង្វាន់ FIFA Club World Cup ដែលបច្ចុប្បន្នមានក្រុមតែ៧ប្រកួតប្រជែងនឹងត្រូវឈប់ប្រើ។ ទម្រង់ថ្មីនេះ ទ្វីបអឺរ៉ុបនឹងមាន១២ក្រុម អាមេរិកខាងត្បូងមាន៦ក្រុម ខណៈតំបន់អាហ្រ្វិក អាស៊ី និងអាមេរិកខាងជើងមាន៤ក្រុម។ តំបន់អូសេអានីមាន១ក្រុម ហើយ១ក្រុមទៀតបានទៅប្រទេសម្ចាស់ផ្ទះ។
ក្រុមនីមួយៗក្នុងតំបន់ផ្សេងក្រៅពីទ្វីបអឺរ៉ុបនឹងទទួលបាន៣ពិន្ទុ សម្រាប់ការឈ្នះ និង១ពិន្ទុចំពោះការស្មើ ប៉ុន្ដែប្រព័ន្ធគិតពិន្ទុនៅតំបន់អឺរ៉ុប (UEFA) នឹងត្រូវបានប្រើ ដោយក្រុមនីមួយៗទទួលបាន២ពិន្ទុសម្រាប់ការឈ្នះ ១ពិន្ទុសម្រាប់ការស្មើ។ ក្រុមនីមួយៗនឹងទទួលបាន៤ពិន្ទុនៅពេលមានឱកាសឡើងដល់វគ្គចែកពូល ៥ពិន្ទុសម្រាប់ការឆ្លងទៅវគ្គ១៦ក្រុមចុងក្រោយក្នុងពាន UEFA និង១ពិន្ទុទៀតសម្រាប់ការប្រកួតបន្ទាប់។
ម្ចាស់ជើងឯក Confederation ពីឆ្នាំ ២០២១-២០២៤ នឹងទទួលបានកៅអីលេងក្នុងពានរង្វាន់ FIFA Club World Cup ថ្មី។ មានន័យថា ក្រុម Chelsea, Real Madrid និងម្ចាស់ជើងឯក Champions League រដូវកាលមុន Manchester City មានលក្ខណៈសម្បត្តិគ្រប់គ្រាន់ដែលជាក្រុមតំណាងឲ្យតំបន់អឺរ៉ុប។ ចំណែកក្រុមអឺរ៉ុបផ្សេងទៀតដែលមានលក្ខណៈសម្បត្តិគ្រប់គ្រាន់ដោយផ្អែកលើប្រព័ន្ធពិន្ទុគឺក្រុម Bayern Munich, Paris St Germain, Inter Milan, FC Porto និង Benfica។
ក្នុងប្រទេស១មានក្រុមតែ២ប៉ុណ្ណោះមានសិទ្ធិចូលរួមប្រកួត ប៉ុន្តែលុះត្រាតែពួកគេឈ្នះការប្រកួតប្រចាំទ្វីប។ ឧទាហរណ៍ ក្រុម Chelsea និង Man City មានលក្ខណៈសម្បត្តិគ្រប់គ្រាន់ជាក្រុមមកពីប្រទេសអង់គ្លេស។ ចំណែក Arsenal អាចទទួលបានសិទ្ធិបានលុះត្រាតែឈ្នះ Champions League រដូវកាលនេះ។
សម្រាប់ក្រុមមកពីអាមេរិកខាងត្បូងរួមមានក្រុមប្រេស៊ីល Palmeiras, Flamengo និង Fluminense ដែលធ្លាប់ឈ្នះជើងឯក Copa Libertadores ខណៈក្រុមអាស៊ី Al Hilal និង ក្រុម Urawa Red Diamonds ក៏ឆ្លងមានសិទ្ធិចូលរួម។ ក្រុម Al Ahly និង Wydad មានលក្ខណៈសម្បត្តិប្រហាក់ប្រហែលគ្នាជាក្រុមមកពីទ្វីបអាហ្រ្វិក ខណៈក្រុមមកពីមកពីអាមេរិកខាងជើងមានក្រុម Monterrey, Seattle Sounders និង Club Leon ។
ចំពោះក្រុមមកពីអូសេអានីដោយសារបាល់ទាត់មិនសូវរីកចម្រើន ដូច្នេះគ្មានក្រុមណាអាចប្រជែងជាមួយក្រុម Auckland City បានទេក្នុងឡើងទៅលេងក្នុងពានរង្វាន់ FIFA World Cup៕
ប្រែសម្រួល៖ ផា រតនា
ប្រភព៖ Reuters
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
អ៊ីស្រាអែល ប្រកាសឲ្យពលរដ្ឋនៅលីបង់ ប្រញាប់ចាកចេញពីទីតាំងក្រុមហេសបូឡា
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា