តារាអាមេរិក Patrick បង្ហាញមុខភរិយានិងកូនៗជាសាធារណៈ ធ្វើឲ្យទស្សនិកជនស្រឡាំងកាំង

តារាសម្ដែងជើងចាស់អាមេរិកលោក Patrick Dempsey បានបង្ហាញមុខភរិយានិងកូនប្រុសស្រីជាសាធារណៈ បន្ទាប់ពីកាលប៉ុន្មានឆ្នាំមុន លោកក៏ធ្លាប់ដឹកដៃគ្រួសារម្ដងរួចទៅហើយ ដែលកាលណោះកូនៗនៅតូចៗនូវឡើយ។

ទោះយ៉ាងណាក៏ដោយការបង្ហាញខ្លួនម្ដងនេះរបស់ភរិយានិងកូនប្រុសស្រីរបស់តារាសម្ដែងPatrick Dempseyបានធ្វើឲ្យទស្សនិកជនហាក់មានការភ្ញាក់ផ្អើលជាខ្លាំង។ព្រោះកម្រនឹងឃើញបុរសម្នាល់នេះនាំក្រុមគ្រួសារមកបង្ហាញមុខជាសាធារណៈបែបនេះណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពប៉ុន្មានសន្លឹកនេះផងដែរ Patrick Dempsey banនាំភរិយាដ៏ស្រស់ស្អាតរបស់លោកគឺ Jillian Fink ទៅបង្ហាញមុខលើកម្រាលព្រំក្រហមដ៏កម្រជាមួយកូនបីនាក់របស់គាត់ កូនស្រីច្បងរបស់ Sullivan ឈ្មោះ Talula អាយុ ២១ ឆ្នាំ និងកូនប្រុសភ្លោះ Darby អាយុ១៦ ឆ្នាំនៅឯការបញ្ចាំងភាពយន្ត “Ferrari” របស់ L.A.។

យ៉ាងណាមិញ អ្នកគាំទ្រជាច្រើនដែលរូបភាពនេះហាក់បង្ហាញអារម្មណ៍សឹងមិនជឿ និងទឹកមុខស្រឡាំងកាំង មិននឹកស្មានថា កូនៗរបស់លោកសង្ហាមិនចាញ់ឪពុកប៉ុន្មា​ននោះទេ។ នេះពិតជាឈាមពីជំនាន់ឪពុកម្តាយដល់ជំនាន់កូនរបស់មិនខុសនោះទេ។

សូមបញ្ចាក់ដែរថា Patrick Dempsey គឺជាតារាសម្តែងជនជាតិអាមេរិក គាត់ត្រូវបានគេស្គាល់ថាល្អបំផុតសម្រាប់តួនាទីជាគ្រូពេទ្យសរសៃប្រសាទ Derek “McDreamy” Shepherd នៅក្នុងរឿងភាគវេជ្ជសាស្រ្តរបស់ ABC រឿង Grey’s Anatomy ពីឆ្នាំ ២០០៥ ដល់ឆ្នាំ ២០១៥ ។ គាត់ត្រូវបានគេស្គាល់ផងដែរ សម្រាប់តួនាទីខ្សែភាពយន្តមនោសញ្ចេតនាឈានមុខគេ រួមទាំងក្នុងរឿង Enchanted ផងដែរ។ ជាពិសេសឪពុកកូនបីរូបនេះ គឺជាអ្នក​ដែល​គ្រង​តំណែង​បុរស​សិចស៊ី​បំផុត​នៅ​ឆ្នាំ ២០២៣ នេះផងដែរ៕

អត្ថបទ៖ សាង ស្រីល័ក្ខ

ចុចអាន៖រឿង Mavel នឹងដូរតួឯក ក្រោយ Jonathan កំពុងមានរឿងក្ដីក្ដាំអាចជាប់ពន្ធនាគារ