ជីវិតកម្សាន្ដ
ម្ចាស់បទ “បណ្ដាំទួលស្លែង” អុិន សុផារ៉ា ធ្លាក់ខ្លួនយ៉ាងកម្សត់ដើររើសអេតចាយចិញ្ចឹមជីវិត
ទស្សនិកជន និងមហាជនដែលធ្លាប់ស្គាល់បានស្តាប់ចម្រៀងបទ “បណ្ដាំទួលស្លែង” ច្រៀងដោយតារាចម្រៀងជើងចាស់ទស្សវត្ស៨០ លោក អុិន សុផារ៉ា បានសម្តែងការភ្ញាក់ផ្អើលគ្រប់គ្នាបន្ទាប់មានព័ត៌មានថា បច្ចុប្បន្នលោកកំពុងធ្លាក់ខ្លួនយ៉ាងកម្សត់រស់នៅក្នុងបន្ទប់ជួលតូច ខណ:ភរិយាធ្វេីការជាអ្នកអនាម័យក្នុងភោជនីយដ្ឋានផងនោះ។
ម្ចាស់បទ “បណ្ដាំទួលស្លែង” លោក អុិន សុផារ៉ា កាលអំឡុងឆ្នាំ១៩៧៩-១៩៨០ លោកបានសាងកេរ្តិ៍ឈ្មោះល្បីតាមរយ:បទចម្រៀងមួយចំនួនព្រមទាំងការនិពន្ធបទចម្រៀងផងដែរ។ ប៉ុន្តែក្រោយសាបព្រោះកេរ្តិ៍ឈ្មោះល្បីបានមួយរយ:ស្រាប់តែតារាចម្រៀងជើងចាស់រូបនេះបានឃ្លាតឆ្ងាយពីវិថីសិល្ប:មួយរយ:ធំដោយមិននឹកស្មានថា លោកធ្លាក់ខ្លួនកម្សត់ដើររើសអេតចាយដើម្បីចិញ្ចឹមក្រពះនោះឡើយ។
យ៉ាងណានៅលើបណ្តាញសង្គមកាលពីថ្មីៗកន្លងមកនេះ មានកាបង្ហោះចែករំលែកយ៉ាងភ្ញាក់ផ្អើលពីទិដ្ឋភាពកន្លែងរស់នៅរបស់លោក អុិន សុផារ៉ា ដោយបង្ហាញនូវភាពកម្សត់ដោយបានលើកឡើងថា ជីវិតពិតដ៏សែនកំសត់របស់តារាចម្រៀងជេីងចាស់លោក អុិន សុផារ៉ា ម្ចាស់បទ “បណ្ដាំទួលស្លែង” ច្រៀងនិងនិពន្ធលោក អុិន សុផារ៉ា កាលពីឆ្នាំ១៩៧៩ ឬឆ្នាំ១៩៨០ជាង។
តាមរយ:ដំណឹងនេះបានធ្វើឲ្យទស្សនិកជនមួយចំនួនពិសេសបងប្អូនដែលធ្លាប់បានស្គាល់ និងស្តាប់បទចម្រៀងរបស់លោក អុិន សុផារ៉ា មានក្តីក្តុកក្តួល និងអាណិតដល់តារាចម្រៀងជើងចាស់រូបនេះជាខ្លាំង។ ខណ:មានទស្សនិកជនខ្លះក៏បានស្នើសុំឲ្យមានការជួយឧត្ថម្ភដល់ជីវភាពប្រចាំថ្ងៃគាត់ផងដែរ។
ដោយឡែកនៅក្នុងកិច្ចសម្ភាសន៍មួយលោក អុិន សុផារ៉ា បានបញ្ជាក់ដែរថា សព្វថ្ងៃសម្រាប់រូបលោកគឺប្រកបរបរដើររើសអេតចាយ និងថែសួនឲ្យគេ។ ចំណែកភរិយាគឺលាងចានអោយគេតាមភោជនីយដ្ឋានដើម្បីបានកម្រៃដោះស្រាយជីវភាពប្រចាំថ្ងៃដូចជាការបង់ថ្លៃទឹកភ្លើង និងថ្លៃបន្ទប់ជួលជាដើម។
លោកបានបន្ថែមថា បច្ចុប្បន្នលោកបានធ្លាក់ខ្លួនមកជួលបន្ទប់ស្នាក់នៅ គឺស្ថិតក្នុងខណ្ឌដង្កោ រាជធានីភ្នំ ពេញខណ:ពេលនេះលោកក៏មានវ័យកាន់តែជរាហើយកំពុងមានជំងឺប្រចាំកាយ គឺលើសឈាមទៀតផង៕
អត្ថបទ៖ ចាន់រ៉ា
-
ព័ត៌មានជាតិ៤ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៧ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៤ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៥ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ១ សប្តាហ៍ ago
ហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ១ សប្តាហ៍ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក