ជីវិតកម្សាន្ដ

លែងលះគ្នាពិតមែន តែ Jetrin និង Pin មិនឲ្យកូនប្រុសទាំង៣ខ្វះភាពកក់ក្ដៅឡើយ

បានផុស

៣ years មុន

នៅ

ថ្ងៃអង្គារ ២៦ ធ្នូ ២០២៣

ដោយ

ដ្បិតថាតារាជើងចាស់២ដួង បានសម្រេចចែកផ្លូវគ្នាអស់រយៈពេលប៉ុន្មានខែមកហើយក្ដី ប៉ុន្តែ Pin Kejmaneenig និងអតីតស្វាមី Jetrin Wattanasin មិនបានធ្វើឲ្យកូនប្រុសទាំង៣របស់ពួកគេខ្វះភាពកក់ក្ដៅឡើយ ខណៈកាលពីម្សិលមិញពួកគេបានជុំគ្នាអបអរបុណ្យណូអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើលែងជាគូស្នេហ៍ ជាប្ដីប្រពន្ធដូចពីមុនក្ដី ប៉ុន្តែតារាសម្ដែង Pin Kejmanee ធ្លាប់បទសម្ភាសអំពីទំនាក់ទំនងស្នេហាជាមួយអតីតស្វាមី Jetrin Wattanasin ថា ពួកគេនៅពេលនេះគឺមានឋានៈជាមិត្តដែលអាចជូនពរឲ្យគ្នាទៅវិញទៅមកប៉ុណ្ណោះ។ ហើយពួកគេនឹងនៅតែបន្តធ្វើជាឪពុកម្តាយល្អចំពោះកូនៗទាំង៣ដោយមិនឲ្យកូនរងាឯកាឡើយ។

យ៉ាងណាមិញ ដូចការសន្យារបស់អតីតគូស្វាមីមួយគូនេះពិតមែន កាលពីថ្ងៃទី២៥ ខែធ្នូ ត្រូវនឹងថ្ងៃបុណ្យណូអែលអ្នកទាំងពីររួមទាំងកូនប្រុសទាំង៣ បានបង្ហាញរូបភាពក្រុមគ្រួសារញ៉ាំអាហារជុំគ្នា។ ពួកគេក៏ត្រឡប់មកវិញដើម្បីអបអរនិងដូរអំណោយដូចដែលពួកគេបានធ្វើរាល់ៗឆ្នាំកន្លងមក។

ក្នុងនោះគេសង្កេតឃើញតារាចម្រៀង Jetrin Wattanasin បានរៀបចំកាបូបពណ៌ផ្កាឈូកដ៏ប្រណិតសម្រាប់អតីតភរិយា Pin Kejmanee ហើយ Pin ផ្ទាល់ក៏បានរៀបចំទុរេនសំណព្វដែលអតីតស្វាមីធ្លាប់ចូលចិត្ត ព្រមទាំងអាវយឺតពណ៌ស ដែលអាចពាក់ពេលប្រគំតន្ត្រីបានផងដែរ។ បន្ទាប់មក នោះគឺជាពេលវេលាសម្រាប់កូនៗ ក្នុងការដោះអំណោយដែលពួកគេរៀបចំទុកមុនជាមួយគ្នា។

**រូបភាពដែលពួកគេបានបង្ហោះលើបណ្ដាញសង្គម**

បន្ទាប់ពីរូបភាពមួយសន្លឹកនោះបានបង្ហោះលើបណ្ដាញសង្គមអ៉ិនធើណេត អ្នកគាំទ្រជាច្រើនបានចូលទៅបញ្ចេញមតិអបអរដល់ពួកគេទាំង៥នាក់។ បើទោះជាលែងជាគូស្នេហ៍ដូចមុន ប៉ុន្តែទឹកចិត្តរបស់ទស្សនិកជននៅតែគាំទ្រស្រលាញ់ចូលចិត្ត និងចង់ឲ្យពួកគេមានពេលវេលាកក់ក្ដៅបែបនេះច្រើនៗ៕