កីឡា
វ័យ៣៨ឆ្នាំ Ronaldo នៅតែជាអ្នកស៊ុតបញ្ចូលទីច្រើនជាងគេបំផុតលើលោក
តារាឆ្នើម Cristiano Ronaldo នៅតែធ្វើបានល្អ ក្រោយផ្លាស់ទៅកាន់លីគអារ៉ាប៊ីសាអ៊ូឌីត ដោយជាប់ឈ្មោះជាអ្នកស៊ុតបញ្ចូលទីច្រើនបំផុតប្រចាំឆ្នាំ២០២៣។
Cristiano Ronaldo បានស៊ុតគ្រាប់បាល់ទីគ្រាប់ទី៥៤ ក្នុងឆ្នាំ២០២៣ ទល់នឹងក្រុម Al-Taawoun ដើម្បីបានក្លាយជាអ្នកស៊ុតបញ្ចូលទីច្រើនជាងគេលើពិភពលោកជាមួយក្លិប និងក្រុមជម្រើសជាតិ។ ចំនួនគ្រាប់បាល់នេះច្រើនជាងឡាករ Harry Kane (៥២គ្រាប់), Kylian Mbappe (៥២គ្រាប់) និង Erling Haaland (៥០គ្រាប់)។
ស្ថិតក្នុងវ័យ៣៨ឆ្នាំ Ronaldo នៅតែអាចបន្តឈ្នះកំណត់ត្រាជាកីឡាករដែលស៊ុតបញ្ចូលទីច្រើនជាងគេលើពិភពលោក។ កីឡាករបានអរគុណដល់មិត្តរួមក្រុមហើយក៏បានសន្យានឹងបន្តការប្រឹងប្រែងធ្វើឲ្យបានល្អទៀតក្នុងឆ្នាំថ្មី។
កីឡាករបាននិយាយាថា ៖«ខ្ញុំរីករាយណាស់។ វាជាឆ្នាំដ៏ល្អសម្រាប់ខ្ញុំដែលសម្រេចបានលទ្ធផលនេះ។ ខ្ញុំស៊ុតបានច្រើនគ្រាប់។ ខ្ញុំបានជួយក្រុម Al Nassr ច្រើន រួមទាំងក្រុមជម្រើសជាតិផង។ ខ្ញុំពិតជាមានមោទនភាព។ ខ្ញុំនឹងបន្តខិតខំប្រឹងប្រែង។ ខ្ញុំមានអារម្មណ៍ល្អ ហើយព្យាយាមធ្វើវាម្តងទៀត»។
កីឡាករកំពុងប្រជែងស្បែកជើងមាសនៅលីគកំពូលក្នុងប្រទេសអារ៉ាប៊ីសាអ៊ូឌីត ដោយស៊ុតបញ្ចូលទីបាន២០គ្រាប់ក្នុងការបង្ហាញខ្លួន១៩លើក និងបញ្ចួនបាល់ឲ្យមិត្តរួមក្រុមបាន៩លើកក្នុងរដូវកាលនេះ។ បច្ចុប្បន្នក្លិប Al-Nassr កំពុងឈរក្នុងចំណាត់ថ្នាក់លេខ២ក្នុងលីគតាមពីក្រោយក្រុមលេខ១ Al-Hilal ចំនួន៧ពិន្ទុ។
អតីតតារាឆ្នើម Real Madrid និង Manchester United ពេលនេះកំពុងសម្រាកលំហែកាយ បន្ទាប់ពីលីគ Saudi Pro League សម្រាកដើម្បីប្រកួតពានរង្វាន់ Asia Cup ២០២៣។ លីគកំពូលប្រទេសអារ៉ាប៊ីសាអ៊ូឌីតនឹងចាប់ផ្តើមឡើងវិញក្នុងខែកុម្ភៈ។ ទោះបីជាយ៉ាងណា Al-Nassr គ្រោងនឹងជួប Inter Miami ក្នុងការប្រកួតមិត្តភាព និង២ប្រកួតនៅចិន៕
ប្រែសម្រួល៖ ផា រតនា
ប្រភព៖ goal
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស