កីឡា
តារាឆ្នើមមកពីលីគអង់គ្លេស៨រូបនឹងបង្ហាញខ្លួនក្នុងពាន AFC Asian Cup
ការប្រកួតក្នុងពានរង្វាន់ AFC Asian Cup ឆ្នាំ២០២៣ នឹងចាប់ផ្តើមនៅសប្ដាហ៍ក្រោយនេះ ក្នុងនោះកីឡាករអាជីពនៅលីគកំពូលអង់គ្លេស៨រូបមកជួយក្រុមជម្រើសជាតិរបស់ខ្លួន។
ក្រុមជម្រើសជាតិជប៉ុនបានកោះហៅកីឡាករ៣រូបដែលកំពុងលេងនៅលីគកំពូលអង់គ្លេសរួមមានកីឡាករ Kaoru Mitoma របស់ក្រុម Brighton, Wataru Endo របស់ក្រុម Liverpool និង Takehiro Tomiyasu របស់ក្រុម Arsenal ។
សមាជិកទាំង៣រូបដែលជប៉ុនកោះហៅសុទ្ធតែជាកីឡាករកំពុងធ្វើបានល្អ និងមានឱកាសបង្ហាញខ្លួនច្រើនជាមួយក្រុមនាពេលបច្ចុប្បន្ន។ ជប៉ុនជាក្រុមមួយគ្រោះថ្នាក់មួយប្រចាំតំបន់អាស៊ី ដោយសារកីឡាករសុទ្ធតែមានគុណភាព និងបទពិសោធច្រើននៅក្លិបធំៗក្នុងតំបន់អឺរ៉ុប។ ក្នុងពានរង្វាន់ AFC Asian Cup ជប៉ុនស្ថិតនៅពូល D ដែលមានក្រុមជម្រើសជាតិឥណ្ឌូណេស៊ី វៀតណាម និងអ៉ីរ៉ាក់។
ក្រុមបាល់ទាត់ជម្រើសជាតិកូរ៉េខាងត្បូងបាននាំកីឡាករ៣រូបដែលកំពុងលេងនៅ Premier League ដើម្បីប្រកួតប្រជែងពានរង្វាន់ទ្វីបអាស៊ីឆ្នាំ២០២៤។ តារាឆ្នើមក្រុម Tottenham Hot Spurs កីឡាករ Son Heung-Min , កីឡាករ Hwang Hee-chan របស់ក្រុម Wolves និងកីឡាករ Kim Ji-soo របស់ក្រុម Brentford សុទ្ធតែជាប់ឈ្មោះក្នុងក្រុមជម្រើសជាតិ។ ក្រុមជម្រើសជាតិកូរ៉េខាងត្បូងស្ថិតក្នុងពូល E ដែលមាន ម៉ាឡេស៊ី ហ្សកដានី និង បារ៉ែន។
ក្រុមជម្រើសជាតិអុីរ៉ង់បានកោះហៅកីឡាករ Saman Ghoddos កំពុងប្រកបអាជីពជាមួយក្រុម Brentford មកចូលរួមសម្រាប់ពានរង្វាន់ AFC Aasin Cup។ អ៉ីរ៉ង់ដែលជាក្រុមខ្លាំងមួយប្រចាំតំបន់អាស៊ី ស្ថិតនៅពូល C ដែលមានក្រុមហុងកុង អារ៉ាប់រួម និង ប៉ាឡេស្ទីន។ កាលប្រកួតដំបូងរបស់អុីរ៉ង់ ប៉ះ ប៉ាឡេស្ទីន នៅថ្ងៃទី១៥ ខែមករា ឆ្នាំ២០២៤។
ក្រុមជម្រើសជាតិឥណ្ឌូណេស៊ីបានកោះហៅកីឡាករ Justin Hubner ជាកូនកាត់ហុល្លង់-ឥណ្ឌូណេស៊ី ដែលលេងឲ្យក្រុម Wolves ដើម្បីតៀមខ្លួនក្នុងការប្រកួតក្នុងពានរង្វាន់ទ្វីបអាស៊ី។ ចំពោះក្រុមនៅក្នុងតំបន់អាស៊ាន ស្ថិតក្នុងពូល D ដែលមានដៃគូខ្លាំងៗគឺ ជប៉ុន អុីរ៉ាក់ និងវៀតណាម។
ការប្រកួតដំបូងរបស់ឥណ្ឌូណេស៊ី ត្រូវជួបក្រុមអុីរ៉ាក់ នៅថ្ងៃទី១៥ ខែមករា ឆ្នាំ២០២៤ នៅកីឡដ្ឋាន Ahmed bin Ali។
ពាន AFC Asian Cup លើកទី១៨ ដើមឡើយត្រូវរៀបចំការប្រកួតក្នុងខែតុលា ឆ្នាំ២០២៣ ប៉ុន្តែដោយសារបញ្ហាអាកាសធាតុ និងម្ចាស់ផ្ទះកាតារត្រូវចូលរួមប្រកួតពាន 2023 CONCACAF Gold Cup ផងនោះក៏ត្រូវបានលើកពេលមកប្រកួតចាប់ពីថ្ងៃទី១២ ខែមករា ដល់ថ្ងៃទី១០ ខែកុម្ភៈ ឆ្នាំ២០២៤៕
អត្ថបទ៖ ផា រតនា
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ