ព័ត៌មានអន្ដរជាតិ
កូនក្រមុំចិនម្នាក់ត្រូវគេស្ងើចសរសើរ ក្រោយផ្លាស់ប្ដូរជីវិតពីកម្មកររោងចក្រ ក្លាយជាសេដ្ឋីនី
កូនក្រមុំជនជាតិចិនម្នាក់ ដែលបានផ្លាស់ប្តូរពីកម្មកររោងចក្រទៅជាមហាសេដ្ឋី បានធ្វើឲ្យអ្នកលេងបណ្តាញសង្គមភ្ញាក់ផ្អើលជាមួយនឹងថ្លៃបណ្ណាការរបស់នាង ដែលមានចំនួន ៩.៩៩លានយ័ន (១.៤ លានដុល្លារជាសាច់ប្រាក់) និងរថយន្ត Ferrari មួយគ្រឿង។
យោងតាមកាសែត South China Morning Post ទ្រព្យសម្បត្តិផ្សេងទៀតនៅក្នុងបញ្ជីថ្លៃបណ្ណាការរបស់នាងរួមមានផ្ទះល្វែងមួយនៅទីក្រុង Shenzhen ភាគអាគ្នេយ៍នៃប្រទេសចិន និងវីឡាសម្រាប់ថ្ងៃឈប់សម្រាកដែលមានតម្លៃសរុបជាង ៤.២ លានដុល្លារឯណោះ។
កូនក្រមុំត្រូវបានគេស្គាល់ឈ្មោះថា Lizi នៅលើបណ្ដាញសង្គម Douyin ឬ TikTok របស់ចិនបានបង្ហាញពីពិធីមង្គលការរបស់នាងដែលបានធ្វើឡើងកាលពីថ្ងៃទី ០៥ ខែកុម្ភៈ ឆ្នាំ២០២៤ ក្នុងខេត្ត Henan ភាគកណ្តាលប្រទេសចិន។ ពិធីរៀបការរបស់នាងតម្រូវឲ្យមានផែនការលម្អិតរយៈពេល ៣ ខែ ដោយបានបង្ហាញរូបរាងនាងនៅក្នុងឈុតប្រពៃណីចិនពណ៌ក្រហមដ៏អស្ចារ្យ និងមកុដមាសភ្លឺចាំងដែលបង្ហាញពីភាពអស្ចារ្យនៃអភិជនចិនបុរាណ។
ដោយឡែក យោងតាមប្រភពសារព័ត៌មានម៉ាឡេស៊ី Hype បានឲ្យដឹងថា ទោះបីជានាងត្រូវស្ងើចសរសើរដែលទទួលបានថ្លៃបណ្ណាការរាប់លានដុល្លារ ព្រមទាំងទ្រព្យសម្បត្តិច្រើនរាប់មិនអស់ក្ដី។ ប៉ុន្តែសាវតារបស់ Lizi មិនមែនជាអ្នកមានទ្រព្យសម្បត្តិច្រើននោះទេ។
យោងតាមប្រភព South China Morning Post ដដែលបានបញ្ចាក់ថា នាងទទួលការចិញ្ចឹមបីបាច់នៅជនបទ ដោយបានចាប់ផ្ដើមដំណើរការកសាងទ្រព្យសម្បត្តិនៅអាយុ ១៤ ឆ្នាំ ពេលនោះនាងមានការងារធ្វើនៅរោងចក្រនៅ Shenzhen។ ការបណ្តាក់ទុនចូលទៅក្នុងឧស្សាហកម្មកែសម្ផស្ស ជាមួយនឹងការបើកហាងកែសម្ផស្ស ហើយទីបំផុតបានរីកចម្រើនទៅគ្រប់សាខាទូទាំងប្រទេស បានធ្វើឲ្យនាងទទួលបានទ្រព្យសម្បត្តិរាប់លានដុល្លារសឹងមិនគួរឲ្យជឿ។
បន្ថែមពីនេះ មានសេចក្តីរាយការណ៍ថា Lizi និងស្វាមីដំបូងបានជួបគ្នាតាមរយៈកម្មវិធីណាត់ជួបក្នុងឆ្នាំ ២០២៣ រហូតពួកគេបានពេញចិត្តគ្នាទៅមកទើបឈានដល់ថ្ងៃរៀបមង្គលការតែម្ដង។
យ៉ាងណាមិញ រឿងនិទានរបស់នាងត្រូវបានទទួលការកោតសរសើរយ៉ាងទូលំទូលាយនៅលើប្រព័ន្ធផ្សព្វផ្សាយសង្គម ដោយមានមនុស្សជាច្រើនសរសើរពីឯករាជ្យភាព និងភាពជោគជ័យរបស់សហគ្រិន។ អ្នកប្រើប្រាស់ Douyin ដែលត្រូវបានរំលេចដោយ South China Morning Post បានសរសើរនាងថា “រឿងរបស់នាងបញ្ចេញថាមពលវិជ្ជមាន។ នាងល្អជាងស្ត្រីដទៃទៀតដែលលោភលន់ ហើយតែងតែចង់រៀបការជាមួយបុរសដែលមានទ្រព្យសម្បត្តិ”៕
អត្ថបទ៖ សាង ស្រីល័ក្ខ
ចុចអាន៖សេដ្ឋីតៃវ៉ាន់វ័យ ៦២ឆ្នាំ ប្តឹងតារាម៉ូដែលមួយរូប ដែលលោកខំចំណាយប្រាក់លើនាងរាប់សិបលានដុល្លារ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»