បង្ក្រាបសម្បុកផលិតវ៉ាក់សាំងក្លែងក្លាយនៅម៉ិកស៊ិក ចាប់បានមនុស្សមួយក្រុម

ក្រសួងសន្តិសុខ និងការពារជនស៊ីវិលប្រទេសម៉ិកស៊ិកបាននិយាយថា មនុស្ស ៦ នាក់ត្រូវបានឃុំខ្លួននៅក្នុងរដ្ឋ Nuevo Leon ភាគឦសាននៃប្រទេសម៉ិកស៊ិកចំពោះការផលិតវ៉ាក់សាំងក្លែងក្លាយប្រឆាំងនឹងជំងឺកូវីដ ១៩ ។

ក្រសួងបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃពុធថា “វ៉ាក់សាំងក្លែងក្លាយត្រូវបានរឹបអូសនៅក្នុងរដ្ឋ Nuevo Leon ។ ការប្រើប្រាស់ការចាក់វ៉ាក់សាំងប្រភេទនេះធ្វើឲ្យសុខភាពសាធារណៈរងការគំរាមកំហែង” ។

ក្រសួងក៏បានអំពាវនាវឲ្យពលរដ្ឋម៉ិកស៊ិកមានការប្រុងប្រយ័ត្នខ្ពស់ និងទទួលវ៉ាក់សាំងតែនៅតាមមណ្ឌលរដ្ឋ និងមន្ទីរពេទ្យប៉ុណ្ណោះ ។

អង្គការសុខភាពពិភពលោក (WHO) បានប្រកាសពីការផ្ទុះឡើងនៃរោគរាតត្បាតកូវីដ ១៩ នៅថ្ងៃទី ១១ ខែមីនា ។ នៅលើពិភពលោករហូតមកដល់ពេលនេះមនុស្សជាង ១០៩.៨៧ លាននាក់បានឆ្លងវីរុសនេះ និងមានអ្នកស្លាប់ជាង ២.៤២ លាននាក់ ។

គួរបញ្ជាក់ថា គិតត្រឹមពេលនេះប្រទេសម៉ិកស៊ិកមានករណីឆ្លងជំងឺកូវីដ ១៩ ចំនួន ២,០១៣,៥៦៣ ករណី និងមានអ្នកស្លាប់ចំនួន ១៧៧,០៦១ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រធានាធិបតីម៉ិកស៊ិក ឆ្លងកូវីដ

ចុចអាន ៖ ស្មានឆ្លងកូវីដ បុរសម្នាក់ ចង ក សម្លាប់ខ្លួនតែលទ្ធផលមិនអ៊ីចឹងឯណា