ព័ត៌មានអន្ដរជាតិ
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន
លោកស្រី Nita Ambani ភរិយារបស់មហាសេដ្ឋីឥណ្ឌា Mukesh Ambani ត្រូវគេឃើញពាក់ខ្សែកតម្លៃ ៦០លានដុល្លារ និងចិញ្ចៀនតម្លៃ ៦.៥ លានដុល្លារ ក្នុងកម្មវិធី pre-wedding ឬពិធីជប់លៀងមុនរៀបការរបស់កូនប្រុស Anant ដែលបានចាប់ផ្តើមតាំងពីថ្ងៃទី ០១ ខែមីនា មកម៉្លេះ។
យោងតាមគេហទំព័រ Business Insider បានចេញរបាយការណ៍ដោយដកដ្រង់នូវខ្លឹមសាររបស់លោក Manish Malhotra ដែលបានចែករំលែកនៅលើ Instagram បង្ហាញពីរូបភាពរបស់ឥស្សរជនដ៏គួរឲ្យគោរពរូបនេះស្ថិតក្នុងឈុតសំលៀកបំពាក់បែបនារីឥណ្ឌា ពាក់អាវពណ៌មាសដ៏ភ្លឺចែងចាំងក្នុងពិធីជប់លៀងមុនរៀបការរបស់កូនប្រុសពៅ Anant Ambani ក្នុងយប់បញ្ចប់នៃថ្ងៃទាំងបី ។
រូបថតបង្ហាញថា លោកស្រីបានបង្ហាញខ្សែកដែលតុបតែងដោយត្បូងពេជ្រ និងត្បូងមរកតចម្រុះ នៅកណ្តាលដោយត្បូងធំៗពីរ។ តម្លៃនៃគ្រឿងអស់នេះបានក្លាយជាប្រធានបទនៃការជជែកវែកញែកពេញបណ្ដាញអ៉ិនធើណេត ជាមួយនឹងការបោះពុម្ពផ្សាយពីទស្សនាវដ្ដីម៉ូដដូចជា GQ India និង Harper’s Bazaar India បានវាយតម្លៃតម្លៃថា វាអាចមានតម្លៃ ៥ ពាន់លានរូពី (៦០.៤លានដុល្លារអាមេរិក)។
ដោយឡែក គេហទំព័រ Vogue India ក៏បានរាយការណ៍ដែរថា គ្រឿងអលង្ការមួយទៀតដែលបង្ហាញដោយលោកស្រីគឺ Mirror of Paradise ជាពេជ្រទំហំ៥២.៥៨ ការ៉ាត់ លក់នៅឯការដេញថ្លៃរបស់ Christie ក្នុងខែមិថុនា ឆ្នាំ ២០១៩ ក្នុងតម្លៃ ៦.៥ លានដុល្លារអាមេរិក។ ភរិយាសេដ្ធីឥណ្ឌារូបនេះក៏បានពាក់ចិញ្ចៀនផងដែរ ក្នុងអំឡុងពេលសម្ពោធមជ្ឈមណ្ឌលវប្បធម៌ Nita Mukesh Ambani នៅទីក្រុងបុមបៃក្នុងខែមេសាឆ្នាំ ២០២៣។
សូមបញ្ចាក់ឲ្យដឹងដែរថា លោកស្រី Nita បច្ចុប្បន្ននេះមានអាយុ ៦១ ឆ្នាំ បានបញ្ចប់ការសិក្សាថ្នាក់បរិញ្ញាបត្រពាណិជ្ជកម្មនៅមហាវិទ្យាល័យ Narsee Monjee College of Commerce & Economics ក្នុងទីក្រុងបុមបៃ។ គាត់ក៏ត្រូវបានបណ្តុះបណ្តាលក្នុងសាលារបាំ Bharatnatyam ផងដែរ។
លើសពីនេះទៀតដែរ លោកស្រីបានធ្វើការជាគ្រូបង្រៀនពីមុនមក ក្នុងពេលដែលបច្ចុប្បន្ននេះគាត់បានដើរតួយ៉ាងសំខាន់ជាស្ថាបនិក និងជាប្រធានមូលនិធិ Reliance ជាផ្នែកសប្បុរសធម៌នៃក្រុមហ៊ុន Reliance Industries ដែលជាក្រុមហ៊ុនគ្រប់គ្រង និងដឹកនាំដោយស្វាមី។ ថ្មីៗនេះគាត់ក៏បានឡើងកាន់តំណែងជាប្រធាននៅក្រុមហ៊ុនប្រព័ន្ធផ្សព្វផ្សាយដែលទើបបង្កើតថ្មី កើតចេញពីការរួមបញ្ចូលគ្នានៃ Disney និង Reliance Industries ៕
អត្ថបទ៖ សាង ស្រីល័ក្ខ
ចុចអាន៖ភរិយាមហាសេដ្ឋី Ambani ជាស្ត្រីមានឥទ្ធិពលបំផុត ក្នុងប្រព័ន្ធផ្សព្វផ្សាយឥណ្ឌា
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៣ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៧ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៧ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ១ សប្តាហ៍ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៧ ថ្ងៃ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ៧ ថ្ងៃ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង