ជីវិតកម្សាន្ដ

ម្ចាស់ហាងកាហ្វេ ជប៉ុន ម្នាក់ ត្រូវគេលើកសរសើរថាមានមុខមាត់ដូច V បេះដាក់

បានផុស

២ years មុន

នៅ

ថ្ងៃសុក្រ ២៩ មីនា ២០២៤

ដោយ

ជារឿងដ៏គួរឲ្យភ្ញាក់ផ្អើលបំផុតមួយបានកើតឡើងនៅលើប្រព័ន្ធផ្សព្វផ្សាយសង្គម ខណៈដែលម្ចាស់ហាងកាហ្វេ Ni. 5 ស្ថិតក្នុងប្រទេសជប៉ុន ដែលមានឈ្មោះថា Takano Ren កំពុងត្រូវគេលើកមកនិយាយថា លោកមានភាពស្រដៀងគ្នានឹងតារាចម្រៀង កំពុងល្បី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពខ្លះ បានបញ្ចាក់ថា តាមពិតគាត់មិនត្រូវមកហាងកាហ្វេជាញឹកញាប់នោះពេកទេ ប៉ុន្តែដោយសារតែតែភ្ញៀវដែលជា ARMY របស់ក្រុម BTS មួយចំនួនកំពុងរៀបចំគម្រោងទៅទស្សនាហាងកាហ្វេដែលមិននឹកស្មានដល់ ក្នុងទីក្រុង Tie នៃខេត្ត Mie ដើម្បីមើលបុរសង្ហា Takano ថាមានមុខមាត់ដូច V គ្មានខុស។

លើសពីនេះទៀតដែរ អ្នកលេងអ៊ីនធឺណិតម្នាក់បានសរសេរថា “ប្រសិនបើគាត់ មានចង្ការរាងវែងបន្តិច នោះគាត់នឹងមើលទៅដូចជា V គ្មានខុសនោះទេ ។ ប៉ុន្តែអ្នកខ្លះថាបុរសជនជាតិជប៉ុនរូបនេះមើលយ៉ាងណាមិនដូច V ឡើយ តែគាត់មានភាពសង្ហាបែបគាត់។

ថ្វីយ៉ាងនេះនេះក្ដី អ្នកនិលេងអ៊ីនធឺណិតម្នាក់ថែមទាំងបាននិយាយថា បុរសដែលមានមុខមាត់ដូចតារាចម្រៀងប៉ុបនោះ មានគ្រប់ទីកន្លែងក្នុងប្រទេសជប៉ុន តែកាយវិការរបស់ Takano មានភាពស្រដៀងនឹង V ជាងមុខមាត់របស់គាត់ទៅទៀត។ ម្នាក់ទៀតសរសេរបែបកំប្លែងថា “ខ្ញុំមិនមែនជា ARMY ហើយខ្ញុំមិនឃើញភាពស្រដៀងគ្នានេះទេ។ ប៉ុន្តែខ្ញុំចង់ទៅហាងកាហ្វេ ហើយនិយាយជាមួយគាត់ ព្រោះគាត់សង្ហាណាស់។

យ៉ាងណាមិញងាកទៅកាន់ V សមាជិកក្រុម BTS ឯណោះវិញ ពេលនេះលោកកំពុងតែជាប់បំពេញកាតព្វកិច្ចយោធាមិនទាន់បញ្ចប់នូវឡើយទេ។ ក្នុងពេលដែលអ្នកគាំទ្ររបស់លោកផ្ទាល់ នៅតែរង់ចាំថ្ងៃដែលវិលត្រលប់មកអាជីពសិល្បៈវិញនៅខែមិថុនា ឆ្នាំ២០២៥៕